بەم شێوەیە چوار هێلكە بخۆ

24/08/2016 - 09:36 بڵاوکراوەتەوە لە هەواڵ/تەندروستی

 

 

بەپێی توێژینەوەیەكی نوێ‌ دەركەوتووە، خواردنی چوار هێلكە لەهەفتەیەكدا دەبێتە مایەی دووركەوتنەوەی نەخۆشی شەكرەی پلە دوو لەمرۆڤ.

زانكۆیەكی فنلەندا هەڵساوە بەئەنجامدانی توێژینەوەیەك لەسەر (2332) پیاو كە تەمەنیان لەنێوان (42 – 60) ساڵی بووەو هەفتانە هێلكەیەك بۆ چوار هێلكەیان خواردووەو دەركەوتووە، ئەوانەی چوار هێلكەیان لەماوەی هەفتەیەك خواردووە، ئەوا ئەگەری تووش بوون بەنەخۆشی شەكرەی پلە دوو بەڕێژەی یەك لەسەر سێ‌ كەمتر تووشیان دەبێت.
پسپۆرەكانی بواری تەندروستی ئاشكراشیان كردووە، هێلكە كاریگەری ئەرێنی خۆی دەكات، ئەگەر بێت و كەسەكان چاڵاكی وەرزشی و خواردنی میوەجات و دووركەوتنەوە لەجگەرەش بەكاربهێنن.
توێژینەوەكە ئەنجامەكەی لەگۆڤاری ئەمریكی بۆ خۆراك و چارەسەر بڵاوكراوەتەوەو تێیدا باسیش لەوەكراوە، هێلكە پرۆتینێكی زۆری تێدایەو كاریگەری دەبێت لەسەر شەكرەو هەوكردن.

 

ئـ . كـ