دەزانی پیاوو ئافرەت چەند جیاوازیان هەیە

15/09/2016 - 09:00 بڵاوکراوەتەوە لە هەواڵ/تەندروستی

 

 

 

توێژینەوەیەكی‌ زانستی رایگەیاندووە، نزیكەی‌ (2400) جیاوازی‌ لەڕووی‌ جنسی ‌‌و سایكۆلۆجی‌‌ و سیاسی ‌‌و بوارە جیاجیاكانی‌ دیكەدا لە نێوان ژن ‌و پیاودا هەیە.

لەو توێژینەوەیەدا، كە توێژەرێكی‌ ئەردەنی‌ لە كتێبێكدا بە ناوی‌ (جیاوازییەكانی‌ نێوان پیاوو ژن) بڵاویكردۆتەوە، ئەو دەرئەنجامە روونكراوەتەوە كە (2400) جیاوازی‌ لە بوارە جیاجیاكاندا لە نێوان ژن ‌و پیاودا هەیە، باسیشكراوە لە ریشە مێژووییەكانی‌ جیاوازی‌ نێوان پیاوو ژن دەكات‌ و جیاوازییە فسییلۆجییەكان ‌و ئەندامییەكان ‌و تەشریعییەكان ‌و سیاسییەكان ‌و كۆمەڵایەتییەكاندا هەبووە‌.

هەروەها ئاماژە بۆ زۆر جیاوازی نێوان پیاوو ژن كراوە‌ لە بوارە جیاجیاكانی ژیانی هەردوو ڕەگەز، هەر لە بواری پێكهاتەو لایەنی دەروونی ‌و دروستبوونی هەریەكەیان، بە نموونە دەڵێت، گەورەترین پێوەر بۆ پیاوانی پلەی زیرەكی مرۆڤ بریتییە لە ڕێژەی قەبارەی موخ بۆ قەبارەی‌ لاشە، كە لای ئافرەت (45) بۆ (1)، بەڵام لای پیاوان (50) بۆ (1)، واتە قەبارەی مۆخی ئافرەت بە بەراورد بە قەبارەی لاشەی گەورەترە لە هی پیاو.

لەو جیاوازییە ئیجابیانەی نووسەر ئاماژەی بۆ كردووە، پێشبینیكردنی زیادبوونی ڕێژەی تەمەنی ئافرەتە بەرامبەر بە پیاو كە ئەم ڕێژەیە لە ئافرەتاندا دەگاتە (4.72) ساڵ ‌و لە پیاواندا (5.71) ساڵ.

هەروەها نووسەرەكە ئاماژە بە كۆمەڵێك جیاكاری دیارو بەرچاوی نێوان پیاو و ئافرەت دەكات لەوانە فرمێسك.
جێگەی‌ ئاماژەپێدانە، كە زۆرێك جیاوازی نێوان پیاوو ئافرەت كۆمەڵگە دروستیكردوون‌ و پەیوەندییان بە ڕیشەی پێكهاتەی هەریەك لە پیاو ئافرەتەوە نیە.

 

ئـ . كـ