شیرەمەنی بۆئەمە باشە

16/09/2016 - 09:17 بڵاوکراوەتەوە لە هەواڵ/تەندروستی

 

 

 

شیرەمەنییەكان كە پێكهاتەی بەروبوومە ئاژەڵییەكانە دەركەوتووە سوودی زۆریان بۆ تەندروستی مرۆڤ هەیە، بەتایبەتی بۆ تۆی پیاوو هێلكەی ئافرەت.


لەتوێژینەوەیەكدا دەركەوتووە، شیرەمەنیەكان تێكڕای تۆوی پیاو توانای لەسەر وەچەخستنەوە بە ڕێژەی لە (27%) بەهێز دەكات.


پزیشكی نەخۆشیەكانی نێرینە جەخت لەوەدەكەنەوە، شیرەمەنی و میوەو سەوزەی تازە هاوكارن لەسەر بەهێزبوونی تۆی پیاوو هێلكۆكەی ژنان، هەروەك بەشدارە لەبەرزكردنەوەی ئاستی وەچەخستنەوە.

پزیشكەكان باسیش لەوەدەكەن، شیرەمەنی لەهەرە خۆراكە باشەكانە هاوكارە لەو بەهێزكردنە بەهۆی پێكهاتەی هۆرمۆنیەكان كە یەكەی پرۆتینی تێدایەو پرۆتینیش یەكێكە لەو هۆكارانەی بە هەمان شێوە تۆوی پیاو بەهێز دەكات.

هەروەها ئەو پرۆتیناتە هاوكارن لەسەر چارەسەركردنی ئەنیمیا لای ژنان، ئەوەش دەبێتە هۆی زیادبوونی ڕێژەی هێلكۆكەی ژنان و بەو شێوەیەش هەلی وەچەخستنەوە زیاتر دەبێت.

ئەمەو توێژینەوەكە ئاماژە بەوەش دەكات شیرەمەنی پڕ چەوری تەواو مادەیەكی تێدایە تۆی پیاو بەهێزدەكات، چونكە ڕۆڵی دوو هۆرمۆنی بەرپرس دەبینێت لەئاوسبوون لەناو هەمان جەستەدا، ئەوانیش بروجسترۆن و ئەسترۆجین.

 

ئـ . كـ