ئەم 4 كەسە خەیار نەخۆن

شەممە, 25 ئازار 2017 05:26

 

 

خەیار بەهای خۆراكی لاوازە بەشێوەیەك لە (100) گرام خەیار تەنها (20) كالۆری دەدات، لە (%96) ی ئاوە، هەروەها كالیسیۆم و فسفۆرو كبریت و ئاسن و مەنگەنیزی تێدایە، كەمێكیش لەڤیتامینەكانی (A و C) ی تێدایەو چەند سوودێكی گرنگی هەیە لەوانە:

• نەهێشتنی ژانە سەر.
• تینوێتی دەشكێنێت و چارەسەری قەبزی دەكات.
• چارەسەرە بۆ نەخۆشیەكانی حەساسیەتی پێست و زیبكە.
• ڕێ لەدڵە كوتە دەگرێت.
• دابەزێنەری تای زۆرە.
• پەستانی خوێن كەمدەكاتەوە بەتایبەتی ئەوانەی پەیوەستن بە هۆكاری دەروونی.
• ڕۆنی خەیارو بەرهەمەكانی بەكاردەهێنرێت لەپێكهاتەكانی جوانكاری.
• ئارامكەرەوەی دەمارەكانەو چارەسەری نەخۆشییە دەرونییەكانە.
• بەسوودە بۆ نەخۆشی شەكرە، جۆرێك لەڤیتامینی تێدایە كە خانەكان دەپارێزیت و كبریتی تێدایە كە جوانی پێست و قژو نینۆك دەپارێزێت.
• میزهێنەرەو بەردو لـمی گورچیلە لادەبات.
• تۆوەكەی بۆ نەخۆشییەكانی سەرمابوون و هەوكردن و نەخۆشییەكانی ڕیخۆڵەو بۆری میزو هاوسەنگی كردنی ترشی گەدە بەكاردەهێنرێت.

بەڵام نابێت لەكاتی بوونی هەندێك نەخۆشیدا بەكاربهێنرێت وەك:

* نەخۆشیەكانی ڕۆماتیزم، بەهۆی زۆری ئاو شێداری لەناویدا.
* نەخۆشیەكانی ڕەقبوونی خوێنبەرەكان و ئیفلیجی و لەرزین.
* كەسانی بەساڵاچوو پێویستە كەمتر خەیار بەكاربهێنن.
* نەخۆشیەكانی ئازاری گەدەو جگەر یاخود ئەوانەی كۆئەندامی هەرسیان لاوازە، خەیار گەدە دەئاوسێنێت و ئارەزوی خواردن ناهێڵێت، چونكە هەرسكردنی خاوە لەوانەیە هەشت كاتژمێر لەگەدەدا بمێنێتەوە.

 

ئـ . كـ