قەڵەوی هۆكاری ئەم نەخۆشیە مەترسیدارەیە

17/07/2019 - 10:15 بڵاوکراوەتەوە لە هەواڵ/تەندروستی

 

 

كۆمەڵەی‌ توێژینەوەی‌ بەریتانیای‌ تایبەت بە نەخۆشی‌ شێرپەنجە رایگەیاند، دیاردەی‌ قەڵەوی‌ پەیوەندی‌ بە چوار جۆر نەخۆشی‌ شێرپەنجەوە هەیە‌و ئەگەری‌ تووشبوون بەو نەخۆشییە زیاد دەكات.

ئاماژە بەوەش دەكات، قەڵەوی‌ یەكێكە لەو هۆكارانەی‌ دەبنە هۆی‌ توشبوونی‌ نەخۆش بە نەخۆشی شێرپەنجەی‌ ریخۆڵە‌و گورچیلە‌و پرۆتسات ‌و جگەر‌و كاریگەرییەكەی‌ لە جگەرەكێشان زیاترە.

ئەم راگەیاندنەی‌ كۆمەڵەی‌ لێكۆڵینەوە لە نەخۆشییەكانی‌ شێرپەنجە رووبەڕووی‌ رەخنەیەكی‌ زۆر بۆوە‌و بەوە تۆمەتباریان كرد كە سوكایەتی‌ ‌و ناوزڕاندنە بۆ كەسانی‌ قەڵەو، یەكەم جاریش نییە كە ئەو كۆمەڵەیە ئەو تۆمەتەی‌ دەدرێتە پاڵ.

رەخنەگران پێیان وایە نابێ قەڵەوی ‌‌و جگەرەكێشان پێكەوە بەراورد بكرێن ‌و تا ئێستا لە بەریتانیا هەڵمەتی‌ دژی‌ جگەرەكێشان لە ئارادایە‌و لە هەڵمەتەكەشدا جگەرەكێشان بە هۆكارێكی‌ سەرەكی‌ تووشبوون‌ و بڵاوبوونەوەی‌ نەخۆشی‌ شێرپەنجە دادەنرێت.