لەبەر چەند هۆكارێك با 3 كەس ماست نەخۆن !!

26/07/2019 - 09:10 بڵاوکراوەتەوە لە هەواڵ/تەندروستی

 

 

ماست یەكێكە لەو خۆراكانەی كە پزیشكە پسپۆڕەكان كۆكن لەسەر سوودە تەندروستیەكانی، بەیەكێك لە باشترین خوادنەكان دادەنرێت بە تایبەت لە ژەمی بەیانی و ئێوارە. 

گرنگترین سوودە تەندروستیەكانی ماست : 

1. سەرچاوەیەكی باشە بۆ پڕۆتین : هەستی برسیەتی كەم دەكاتەوە لەكاتی بەڕۆژبووندا. 

2. بڕێكی باش لە ڤیتامینەكانی تێدایە وەك ڤیتامین (B) و (D) لەگەڵ كانزاكانی وەك كالیسیۆم و پۆتاسیۆم و مەگنسیۆم. 

3. دەوڵەمەندە بە ماددەی پڕۆباتیكەكان : كە بریتییە لە بەكتریا سوودبەخشەكان بە لەش كە كاری كۆئەندمی هەرس ڕێك دەخات و پاش سك چوون یان وەرگرتنی ئەنتی بایۆتیكەكان ژمارەی بەكتریا سوودبەخشەكان كەم دەكات و لە ناو دەچن. 

4. بۆ خۆپاراستن لە نەرم بوونەوەی ئێسك و كلۆربوونی ددان. 

5. كەمكردنەوەی ئەگەری تووشبوون بە شێرپەنجەی قۆڵۆن. 

6. ماستی بێ چەوری یارمەتی دابەزینی كۆلیستڕۆڵی خراپ و فشاری خوێن دەدات. 

7. ماستی بێ چەوری ڕێگری دەكات لە زیاد بوونی كێش و قەڵەوی ورگ و یارمەتی دابەزینی كێش دەدات. 

8. بەهێز كردنی كۆئەندامی بەرگری لەش لەگەڵ ئاسانكردنی هەڵمژینی هەندێك ڤیتامین و كانزاكان لە ڕیخۆڵەدا. 

9. ماستی بێ چەوری خۆراكێكی باشە بۆ ئەو كەسانەی حەساسیەتیان بە شیر هەیە یان ئەو كەسانەی تەهیجی قۆڵۆنیان هەیە. 

10. یەكێكە لە باشترین خواردنەكان بۆ ئەو ئافرەتی دووگیانی بەڕۆژوو بە مەرجێك ماستەكە لە شیری بێ چەوری یان كەم چەوری بێت. 

11. یارمەتی ڕێك كردنەوەی خەو دەدات. 

12. یارمەتی چاكبوونەوەی برین و هەوكردنی گەددەو دوانزەگرێ دەدات بە مەرجێك ماستەكە لە شیری بێ چەوری یان كەم چەوری بێت. 

زیانەكانی ماست :

بەشێوەیەكی گشتی ماست زیانی نیە بۆ مرۆڤ تەنها لەم حاڵەتانەدا نەبێت : 

1. حەساسەیت بە لاكتۆز : لەكاتی نەبوونی ئەنزیمی لاكتەیز، نابێت بخورێت. 

2. حەساسەیت بە شیر : نابێت بخورێت و دەتوانرێت ماستی دروستكراو لە شیری سۆیا یان گوێزی هیندی بخورێت. 

3. ئەو كەسانەی نەخۆشی شەكرەیان هەیە بێت باشترە ماستی ئامادەكراوی كارگەكان بخۆن، چونكە هەندێك جۆری شەكری دروستكراوی تێ دەكرێت.

(د. كامەران رەسوڵ ژاژڵەیی – پسپۆڕی زانستی خۆراك و نەشتەرگەری گشتی)