هەنجیر : میوەی لەش ساغی، گرنگترین سوودەكانی بزانن

26/07/2019 - 09:46 بڵاوکراوەتەوە لە هەواڵ/تەندروستی

 

 

هەنجیر لەلایەن پسپۆڕانی زانستی خۆراكەوە بە یەكێك لە گرنگترین میوەكانی لەش ساغی دادەنرێت لەبەر سوودە تەندروستیە زۆرەكانی.

بەها خۆراكیەكانی : 

دەوڵەمەندە بە ڤیتامینەكانی وەك ( C , B1 , B1 , A , E ) لەگەڵ كانزاكان وەك كالسیۆم، ئاسن، پۆتاسیۆم، فسفۆر، پۆتاسیۆم، مەگنسیۆم، لەگەڵ Omega- 3 و هەندێ لە بەهێزترین ماددە دژە ئۆكسان و ڕیشاڵەكان و ئاوو كاربۆهیدرات.

گرنگترین سوودە تەندروستیەكانی :

1. چارەسەری قەبزی و پاك كردنەوەی ڕیخۆڵەكان لە ماددە ژەهراوەییەكان و چاڵاك كردنی كۆئەندامی هەرس و جگەر دەكات. 

2. نەهێشتنی بۆنی ناخۆشی ناو دەم و خێرا چاك بوونەوەی برینی ناو دەم. 

3. پاراستنی تەندروستی دڵ : لەگەڵ ڕێگری كردن لە جەڵتەی دڵ و مێشك و نەخۆشی تەسك بوونەوەی خوێنبەرەكان. 

4. یارمەتی توانەوەی بەردی گورچیلەو میزەڵدان دەدات. 

5. یارمەتی كۆنتڕۆڵ كردنی بەرزی فشاری خوێن دەدات، چونكە دەوڵەمەندە بە پۆتاسیۆم؛ لەگەڵ دابەزاندنی چەوریە سیانیەكان و كۆلیستڕۆڵی خراپ لە خوێندا. 

6. خۆپاراستن لە شێرپەنجە، چونكە دەوڵەمەندە بە ماددەی كارۆتێن كە بەرگری خانە شێرپەنجەییەكان دەكات و ڕێگری دەكات لە بڵاوبوونەوەیان. 

7. خۆپاراستن لە نەخۆشی نەرم بوونەوەی ئێسك لە بە ساڵاچووندا. 

8. چارەسەركرنی كەمی ماددەی ئاسن و كەمخوێنی و خۆپاراستن لێیان. 

9. پاراستنی تەندروستی پێست و گەش بوونەوەی و نەهێشتنی چرچ و لۆچ و خاڵ و زیپكەو سیسی دەم و چاو. 

10. بەهێزكردنی مووەكانی قژو پاراستن لە سپی بوون و هەڵووەرینی قژ. 

11. میوەیەكی زۆر باشە بۆ نەخۆشی شەكرە بە مەرجێك ڕۆژانە سێ بۆ چوار دەنكی لێ بخورێت و بە وشكی یەك دەنك زیاتر نەخورێت. 

12. بە وشك كراوی بۆ زیاد كردنی كێش زۆر باشە لە حاڵەتی لاوازی و كەمی كێش ؛ بە تەڕیش لە كاتی ڕیجیم كردن بە مەرجێك ڕۆژانە تەنها دوو بۆ سێ دەنكی لێ بخورێت.

(د. كامەران رەسوڵ ژاژڵەیی – پسپۆڕی زانستی خۆراك و نەشتەرگەری گشتی)