خواردنە جیاوازەكان و كاتی پێویست بۆ هەرس كردنیان

10/08/2019 - 09:19 بڵاوکراوەتەوە لە هەواڵ/تەندروستی

 

 

كۆئەندامی هەرس لە دەم، سورێنچك، گەدە، ڕیخۆڵە باریكەو ڕیخۆڵە گەورە پێك دێت كە بەنزیكەیی دەگاتە (9) مەتر لە دەمەوە هەتا دەرچەی كۆم.

پرۆسەی هەرس هەر لەناو دەمەوە دەست پێدەكات بە یارمەتی لیكەڕژێنەكان و پاشانیش لە ناو گەدەدا بە هۆی ترشەڵۆك و ئەنزیمەكانی گەدەو لە ڕیخۆڵە باریكەش بەیارمەتی دەردراوو ئەنزیمەكانی پەنكریاس و جگەرەوە دەبێت.

بەگشتی كۆی پرۆسەی هەرس (24 – 72) كاتژمێر دەخایەنێت ئەوەش بە گوێرەی تەمەن و ڕەگەزو تەندروستی كەسەكەو جۆری خواردنەكە دەگۆڕێت.

ئاو لەسەر سكی خاڵی ڕاستەوخۆ بە گەدەدا تێپەڕ دەبێت بۆیە باشترە لانی كەم پەرداخێك ئاو پێش ناشتایی كردن بخورێتەوە، هەروەها نیو كاتژمێر پێش ژەمەكان و دوو كاتژمێر دواتر بخورێتەوە بۆ دوور بوون لە شۆردنەوە یاخود ڕاماڵینی مادە پێویستیەكان لە گەدەو ڕیخۆڵەدا.

تێكەڵكردنی كۆمەڵێك خواردن كە كاتی جیاوازیان پێویستە بۆ هەرسكردن لە هەمان ژەمدا كارێكی نەگونجاوە بۆ ئەو كەسانەی كێشەی هەرس و هاری قۆڵۆنیان هەیە.

(د. هەرێم كەریم ئەحمەد – پسپۆری نەخۆشیەكانی هەناوو دڵ و شەكرە)