چی بۆ زیاد بوونی كێش باشە ؟؟

22/08/2019 - 11:04 بڵاوکراوەتەوە لە هەواڵ/تەندروستی

 

وێنەی هەموو كێشەیەكی تەندروستی پێویستە هۆكاری لاوازی و كەمی كێش دەست نیشان بكرێت و چارەسەر بكرێت بە تایبەت لە پێناوی دانەبەزینەوەی كێش دواتر؛ پێشتر هۆكارەكانی كەمی كێشم لە چەند پۆستێكدا ڕوونكردۆتەوە.

گرنگترین ڕێنمیایەكان بۆ زیاد بوونی كێش : 

1. زوو هەستان و خواردنی نانی بەیانی پێش سەعات هەشتی بەیانی؛ شەوان پێویستە پێش سەعات دەو نیو بخەوە بە تایبەت ڕۆژانی هەینی و پشووەكان.

2. لە پێش نان خواردن بە نیو سەعات و كاتی خواردن ئاوو ماستاوو شەربەت و خواردنەوە گازییەكان و دۆ مەخۆرەوە. 

3. ئەنجامدانی وەرزش بە شێوەیەكی بەردەوام : ڕۆژانە بۆ ماوەی یەك چارەك یان زیاتر. 

4. نەخواردنی ترش، لیمۆندۆزی، ترشیات، بیبەری توند، میوەی ترش بۆ ماوەی دوو مانگ. 

5. ڕۆژانە هەشت پەرداخ ئاو بخۆرەوە لە نێوان ژەمەكان، بەڵام نیو سەعات دوای ژەمەكان پێویستە ئاو بخورێتەوە. 

6. ڕۆژانە سێ جار یان زیاتر میوەی هەمەجۆر بخۆ؛ میوەی خۆماڵی و وشكراو باشترە. 

7. خواردنی ساردەمەنی و خواردنەوە گازییەكان ڕێگە پێ دراوە لە نێوان ژەمەكان.

8. پێویستە چاو قاوە كەم بخورێتەوەو لانی كەم یەك سەعات پاش ژەمەكان بخورێتەوە. 

9. ئەو كەسانەی ئیشتهای خواردنیان نیە پێویستە بێ سەرپەرشتی پزیشكی پسپۆڕ دەرمانی ئیشتها بەكارنەهێنن و بە هێواشی و بە تەدریج كەم بكرێتەوە. 

10. ڕۆژانە یەك سەعات یان زیاتر بچۆرە بەر هەتاو لە نێوان سەعات نۆی بەیانی بۆ سێی عەسر. 

باشترین جۆرەكانی گژوگیا بۆ زیاد بوونی كێش : 

1. گوڵە بەیبوون. 

2. شمڵی و زەیتی شمڵی ئەسڵی. 

3. عەرەق سوس. 

4. هندەبا. 

(د‌. كامەران رسوڵ ژاژڵەیی – پسپۆڕی زانستی خۆراك و نەشتەرگەری گشتی)