قژتان هەڵدەوەرێت ؟؟ ئەم چارەسەرانە بەكاربهێنن

29/08/2019 - 10:41 بڵاوکراوەتەوە لە هەواڵ/تەندروستی

 

 

ئەو خۆراكەی رۆژانە مرۆڤ دەیخوات سەرچاوەی ژیانیەتی و لەوێوە ئەو مادە خۆراكییە پێویستانەی دەست دەكەوێت كە بنیاتی لەشی پێكدێنن و یارمەتی بەردەوامبوونی لە ژیان و پارێزگاری لە ژیانێكی تەندروستی بۆ دەكەن كە ئەوكاتەی مرۆڤ خۆراكی ئاسایی و وەك پێویست نەبێت ئەوكات نیشانەی كەموكووڕییەكانی بەسەردا دیار دەكەوێت، قژی مرۆڤ رۆڵێكی سەرەكی هەیە لە دەرخستنی شێوەو رووخساری مرۆڤ و جوانی و نارێكییەكەی، بەتایبەتی بۆ ژن و كچان، بۆیە بەر لەوەی پەنا بۆ مادەو گیراوە كیمیایی و جوانكارییەكان ببەیت، هەوڵ بدە سوود لە رێگە سروشتییەكان وەربگرە كە دەستكەوتنیان ئاسانترەو كەمخەرجیترو كاریگەری نەرێنیان كەمترەو سوودیان بۆ قژو بەشی تری لەش هەیە لەوانەش خۆراكی رۆژانەت. 

قژهەڵوەرین یەكێكە لەو كێشانەی زۆركەس بەهۆیەوە تووشی بێزاری دەبن بەتایبەتی ژنان، بۆیە ئەوان پەنا بۆ چەندان گیراوەو شامپۆ دەبەن بۆ رێگرتن لەو حاڵەتەو گرنگی بە قژیان دەدەن، لەوانە گیراوەی كیمیایی گرانبەها، لەگەڵ ئەوەش زۆرجار ئەنجامی پێویست نادەن و ئئەوەش نائومێدیان زیاتر دەكات و وێڵ دەبن و بەدوای بەرهەمی جیاجیا دەگەڕێن و لەو ناوەدا جیا لە ماندووبوو، خەرجییەكی زۆری بێ سوود دەكەن.

بۆیە ئەگەر لەو كەسانەیت كە بەدەست قژهەڵوەرین یان تۆشك و تێكچوونی تاڵەكانی قژتەوە دەناڵێنیت، لەخوارەوە چەند جۆرێك خۆراك هەیە كە ئەو كێشەیەت بۆ چارەسەر دەكات، ئەگەر بەشێوەیەكی رێكوپێك بیانخۆیت.

1. میوە، وەك فراولە كە بڕێكی زۆر پڕۆتین لەخۆ ناگرێت، بەڵام بە ڤیتامین بی دەوڵەمەندە، جیا لەوەی مادەی پۆلی فینۆلات (ترشی ئیلاجیك)، لەخۆ دەگرێت كە بەگشتی لە میوەجاتدا هەیە، كیوی كە یارمەتی گەشەكردنی قژو رێگریكردن لە هەڵوەرینی دەدات، چونكە ڤیتامینی بەسوودی تێدایە.

2. پەتاتە، یارمەتی بەهێزكردنی قژو رێگرتن لە هەڵوەرینی دەدات، چونكە چەوری پێویست دەردەدات و یارمەتی شێداركردنی قژو هەڵ نەوەرینی دەدات. 

3. خواردنی دەریای، وەك ماسی سەلەمۆن كە بۆ بەهێزكردنی قژو رێگری لە هەڵوەرینی باشە، چونكە مادەی ئۆمێگا سێی تێدایە، هەروەها بڕێكی زۆری لە چەوری تێدایە كە بەسەر قژەوە دەردەدرێت.

4. رۆبیان، بڕێكی زۆر زەنگی تێدایە كە رێگری لە وەرینی قژ دەكات، بەڵام پێویستە وریایی هەبێت لە زۆر خواردنی، چونكە رەنگە كاریگەری پێچەوانەی هەبێت بەهۆی زیادبوونی هۆڕمۆنی تێستۆستیرۆن.

كێشەیەكی تر كە زۆرێك بەدەستییەوە دەناڵێنن و هۆكاری جیاوازی بۆ هەیە، سپیبوونی قژە كە ئاساییانە پێوەستە بە چوونە ناو تەمەنەوە، بەڵام هەندێك خووی رۆژانە هەن كە رەنگە زۆر كەس تێبینیان نەكات، كاریگەریان هەیەو دەبنە هۆی زوو دەركەوتنی سپیبوونی قژی سپی لە تەمەنێكی بچووكتردا لەوانە:

1. گوشاری دەروونی سترێس، كەسانی زیاتر ماندوو شەكەتن، زیاترو لە تەمەنی بچووكتر دووچاری سپیبوونی قژ دێنەوە، جیا لە جگەرەكێشان كە مادەی میلانین لەناو دەبات. 

2. گرنگی نەدان بە پێستی سەر، پێویستە هەمیشە پێستی سەر بە خاوێنی رابگیرێت بۆ دانەخرانی كونیلەكانی بە چەوری و تۆز، بۆیە بۆ پاراستن لەو كێشەیە پێویستە دژە ئۆكسان بخورێت وەك میوەو سەوزەی فرێش و چای سەوزو ماسی و خۆبەدوورگرتن لە مادەی كیمیایی و وازهێنان لە جگەرە. 

3. خۆراكی ناتەندروست، كەمی مادەی میلانین هۆكاری سەرەكییە بۆ دیاركەوتنی قژی سپی، بۆیە خواردنی ئەو خۆراكانەی یارمەتی زیادبوونی میلانین لە لەش دەدەن وەك ماسی سەلەموون و دانەوێڵەی تەواوو گێزەرو سەوزە، هەروەها كەمی ڤیتامین دی خواردنی چەور دەبنە هۆی دەركەوتنی قژی سپی. 

4. بەركەوتنی مادەی كیمیایی، یەكێك لە خوە زۆر هەڵەكان بەركەوتنی زۆری مادە كیمیاییەكانە، وەك پاككەرەوەكان و قڕكەرەكانی مێروو و ئارایشتەكانی قژ وەك شامپۆو بۆیەو سابوونی كیمیایی، هەروەها پیسبوون وەك دووكەڵی ئۆتۆمبێل ئەوانە سپیبوونی قژ خێراتر دەكەن.

ماكوان عیززە‌ت – هەولێر