سوودەكانی خەوتن لە دەرەوە

30/08/2019 - 16:39 بڵاوکراوەتەوە لە هەواڵ/تەندروستی

 

 

لەم سەردەمەدا خەوێكی ئارام و تا ڕادەیەك درێژخایەن بۆتە هیوایەكی گەورە بۆ مرۆڤ، بەڵام سەرەڕای ئەم دۆخە، هەندێك رێكار دەتوانێ هاوسەنگییەك لە نێوان ئەم كێشانەدا دروست بكات، یەكێك لەم ڕێكارانە ئەگەر بگونجێ، خەوتن لە ناو سروشت دایەو دەتوانن لە كاتی سەفەردا بەجێی سەرفی پارە بۆ دابینكردنی هۆتێل، لە ناو خێوەتدا بخەون و لە سوودەكانی كەڵك وەرگرن. 

1. كاتێ لە دەرەوە دەخەون لە ژێر تیشكی سروشتی دان، بەپێی توێژینەوەی زانایانی زانكۆی فلۆریدا، كاتێك مرۆڤ تیشكی سروشتی بەر بكەوێت، كاتژمێرە بایۆلۆجیەكەی چاڵاك دەبێت و ڕادەی بەرهەمهاتنی هۆرمۆنی (مێلاتۆنین) كە كاتی خەو و بێداری ڕێك دەخات، بەرز دەبێتەوە. 

2. خەوتن لە دەرەوە سترێس كەم دەكاتەوە، بینینی دیمەنەكانی ناو سروشت هەمیشە مەجالێك بووە بۆ كەمكردنەوەی دڵەڕاوكێ و سترێس، كەوابوو مانەوەو دواتر خەوتن لە ناو سروشتدا ئەم مەجالە بەرفراوانتر دەكات، هەر بۆیە لانیكەم هەفتەی جارێك بڕۆنە دەرەوەو لەم دەرفەتەی سروشت پێمانی دەدات كەڵك وەربگرن. 

3. خەوتن لە دەرەوە سیستەمی بەرگری بەهێز دەكات، بەپێی توێژینەوەیەك كە لە ژاپۆن ئەنجامدراوە، مانەوە لە ناو دارستان و سروشتدا بە ماوەی دوو كاتژمێر دەتوانێ پەستانی خوێن و خەستی كۆرتیزۆل و خێرایی لێدانی دڵ دابەزێنێت و ڕادەی خرۆكەی سپی خوێنیش، كە بەشی گرنگی سیستەمی بەرگری لەشە، بەرز دەكاتەوە.