چارەسەر كردنی قەبزی بەچی دەكرێت ؟؟

02/09/2019 - 08:27 بڵاوکراوەتەوە لە هەواڵ/تەندروستی

 

 

قەبزی درێژخایەن یەكێكە لەرێگە گرنگەكانی چارەسەری مایەسیری و ئەمەش لەقۆناغی یەكەمدا بەشێوەیەكی سروشتی دەبێت و دوو جۆریشی هەیە كاتی و درێژخایەن، لەهەردوو حاڵەتەكەدا بەگرفتێك دەزانرێت لەكۆئەندامی هەرسدا كەدەبێتە هۆی ئەوەی بەقورسی پیسایی دەربكات و جوڵەی ریخۆڵەكان كەمتر بێتەوەو هۆكارەكەشی بوونی پیسایی رەقە كەوادەكات بەزەحمەت تێپەڕێت، رەنگە قەبزی ئاوسان و ئازارو تەشەنوجیشی لەگەڵدا بێت.

هۆكاری قەبزی: 

1. بەرزبوونەوەی پلەكانی گەرما كەدەبێتە هۆی تای زۆر. 

2. قەبزی لەماوەی كۆتایی دووگیانی بەهۆی فشاری منداڵدان لەسەر بەشی دواوەی كۆئەندامی هەرس. 

3. نیگەرانی و دڵەراوكێ. 

4. تووشبوون بەقۆڵۆن. 

5. لاوازی جوڵەی پاشماوەكان و زیاتر مژینی شلە لەلەشدا. 

6. تەمەڵی و كەم جوڵەیی. 

7. نەهێشتنی پیسایی كردن بەهۆی گەشتی درێژخایەن و هۆكاری ترەوە. 

8. لاوازی ماسولكەكانی قۆڵۆن. 

9. كاریگەری هەندێ جۆری دەرمان. 

10. هۆكاری خۆراكی بەتایبەت خواردنی ئەو جۆرانەی ریشاڵیان كەمە.

خۆپاراستن لەقەبزی: 

پێویستە رۆژانە لانیكەم دوو لیتر ئاو بخورێتەوەو خۆراكی دەوڵەمەند بەریشاڵ بخورێت كەلەمیوەو سەوزەدا هەیە.

كەمتر ئەو خۆراكانە بخورێت كەتووشی قەبزیت.

خۆت بەدووربگرە لەقاوەو چاو گیراوە دەوڵەمەندەكان بەكافایین.

بەهەر هۆكارێك بێت مەهێڵە درەنگ بكەوویت لەچوونە تەوالێت.

باشترە راهێنانی وەرزشی بكەیت و زۆر دانەنیشیت بۆ هاندانی كۆئەندامی هەرس.

(د. سیروان حەمە شەریف قەرەداغی – پسپۆری نەشتەرگەری گشتی)