بەمانە ڕێگری بكەن لەكلۆربوونی ددانی منداڵەكان ‌‌

02/09/2019 - 08:35 بڵاوکراوەتەوە لە هەواڵ/تەندروستی

 

 

1. پاكڕاگرتنی پوكی منداڵی ساوا لەدوای پێدانی شیر یان هەرشلەیەكی تر بەپارچەیەكی خاوێنی نەرم كە بەئاو تەڕكرابێت هەتاكاتی دەركەوتنی ددانەكان. 

2. نەهێشتنەوەی مەمەی شیرو مەمەی وشكی ئاسایی بۆماوەیەكی زۆر لەدەمی منداڵی ساوا بەتایبەتی لەكاتی نووستن. 

3. دوركەوتنەوە لەپێدانی هەرجۆرێك لەشلەمەنیەكان وەكو شەربەت و بەمەمەی شیر، هەروەها پێدانی ئاو لەپاش هەرشتێك بۆپاككردنەوەی پوكی منداڵەكە. 

4. لەكاتی دەركەوتنی یەكەم ددانەوە پێویست دەكات دایكان و باوكان دەست بەشوشتنی ددانی منداڵەكە بكەن بەفڵچەی تایبەت بەمنداڵان و بەكارهێنانی هەویری ددانی منداڵان بەپێی ڕێنمایی پزیشك و بەرچاوگرتنی تەمەن. 

5. پاش تەمەنی دوو ساڵ پێویستە دایكان و باوكان دەست بە پاككردنەوەی كەلێنی نێوان ددانەكانی منداڵ بكەن ڕۆژانە بەبەكارهێنانی دەزووی ددان. 

6. كەمكردنەوەی ئەو خواردن و خواردنەوانەی كە زۆر شیرینن و بەشێكی زۆر لەترشەڵۆكیان تێدایە. 

7. سەردانیكردنی پزیشكی ددانی تایبەت بەمنداڵان بۆدانانی فلۆرایدو سیلانت و پێدانی ڕێنمایی تەندروستی سەبارەت بە دەم و ددان.