جوینی خواردن بەیەك لا باشە یان خراپ ؟؟

02/09/2019 - 10:52 بڵاوکراوەتەوە لە هەواڵ/تەندروستی

 

 

جوینی خواردن بریتیە لە جوینی خوردن بە یەك لای ڕاست یان چەپ، كە زیاتر بەهۆی بوونی ئازار لە لایەكەی تری ددانی وا لە كەسەكە دەكات كە بە یەك لای ددانی نان بخوات یان بەهۆی نەخۆشی و جەڵدەوە.

نان خواردن بە یەك لای ددان زیانی خراپی هەیەو بەپێی زۆرێك لە توێژینەوەكان كە كراوە هۆكارە بۆ ئەم نەخۆشی و ناڕێكیانەی خوارەوە.

1. ئازارو تەقەی جومگەی شەویلگە. 

2. ناڕێكی لە جومگەی شەویلگە. 

3. بوونی زیاتری دانە جێڕە. 

4. تێكچوونی شێوەی ڕووخسارو زیاد شل بوونی لای بەرامبەر. 

5. كەمی چاڵاكی ماسولكەی جوینی لای بەرامبەر. 

6. كەمبوونی ڕژانی لیك لەو لایەی كە جوینی پێ ئەنجام نادرێ (لای بەرمبەر). 

7. ناڕێكبوونی ددانەكان و ڕیزبوونیان. 

8. زیادبوونی كلۆری لای بەرامبەر، چونكە لیكە ڕژێنەكان چاڵاكیان كەمدەبێتەوە. 

9. هەروەها كەمبوونی بیستن و گوێ قورسبوونی كەسانی بە تەمەن زیاترە لەو كەسانەی كە بە یەك لایان نان دەخۆن.

هەروەها بە پێچەوانەوە ئەو كەسانەی كە بە هەردوو لای ددانەكانیان نان دەخۆن تووشی ئەو ناڕێكی و نەخۆشیانەی سەرەوە نابن یان كەمتر بەراورد بەوانەی كە بە یەك لایان نان دەخۆن.

(د. هیوا فاتیح – پزیشكی نەخۆشیەكانی دەم و ددان)