ئەگەر ناوەڕاستی سەر ژانی كرد، ئاماژەی چییە ؟؟

02/09/2019 - 11:19 بڵاوکراوەتەوە لە هەواڵ/تەندروستی

 

 

سەرئێشە كاریگەری زۆری بۆ سەر بەرهەمهێنان و ژیانی تووشبوو و شێوازی ژیانییەوە هەیە.

سەرئێشان یەكێكە لە باوترین ئەو حاڵەتانەی مرۆڤ پێوەنی دەناڵێنێت، كاتێك زۆر لە مرۆڤەكان لەبەر هۆكاری جیاوازو لە قۆناغی جیاوازی ژیانیان تووشی دێنەوە، بەبێ رەچاوكردنی تەمەن رەگەز، رەنگە هەندێك جار سەرئێشە ئاماژە بێت بۆ نیگەرانی و رارایی و رەنگە بەهۆی بەرزی پەستانی خوێن یان شەقیقەوە دروست ببێت. 

سەرئێشە لە دوو بەش پێك هاتووە، یەكەمیان سەرئێشەی سەرەتایی كاتێك سەرئێشە دەبێتە نەخۆشییەكی سەربەخۆو بەهۆی كێشە لە لوولەكانی خوێن و ماسوولكەو دەمارەكان لە مل و سەر یان گۆڕانكاری لە چاڵاكی كیمیایی مێشك دروست دەبێت وەك شەقیقەو جۆرەكانی تری سەرئێشە، دووەم سەرئێشەی لاوەكی وەك كاریگەری و لە ئەنجامی نەخۆشی و كێشەكانی تری وەك سەرئێشە بەهۆی خواردنەوەی كهول و بوونی لوو یان خوێنبەربوون لە مێشك و دەوروبەری یان ژەهراویبوون بە یەكەم ئۆكسیدی كاربۆن. 

هۆكارەكانی ژانی ناوەڕستی سەر، ژانێكەو تووشی سەر دەبێت لە نێوان سووك و ناوەندییەو باوترین جۆری سەرئێشەیە، ئەگەرچی هۆكارەكانی دیار نین، بەڵام رەنگە بەهۆی گرژبوونی ماسوولكەكانی دەموچاوو مل و پێستی سەر یان بەهۆی زیادبوونی رارایی و سترێس و گوشاری جەستەیی و سۆزدارییەوە دروست ببێت، هەروەها بەهۆی ئەنجامدانی ژمارەیەك چاڵاكی رۆژانە وەك چاپكردن و كۆمپیۆتەرو بەكارهێنانی وردبین و خەوتن لە ژووری ساردو لە دۆخێكی نەگونجاو بۆ مل و خواردنەوەی زۆری كهول و كافایین و تووشبوون بە هەوكردنی كەلێنی لووت و ماندووبوونی چاوەكان.

سەرئێشە كاریگەری زۆری لە سەر بەرهەمهێنان و ژیانی كەسی تووشبوو شێوازی ژیانییەوە هەیە وا دەكات چاڵاكییەكانی رۆژانەی بە باشی ئەنجام نەدات، بەتایبەتی تووشی كەسانی پێگەیشتوو مێردمنداڵان دەبێت و بریتییە لەسەر ئێشەی كاتی یان درێژخایەن، یەكەمیان لە (30) خولەك تا هەفتەیەك بەردەوام دەبێت و كەمتر روودەدات بە تێكڕای (15) رۆژ لە مانگێك لە ماوەی سێ مانگدا، دووەم درێژخایەنەو بۆ چەند سەعاتێك بەردەوام دەبێت و لە مانگێكدا (15) رۆژ یان زیاتر روودەدات بۆ ماوەی سێ مانگ بەلایەنی كەمەوە. 

یەكەمیان بەهۆی نەخۆشی یان كێشەیەكەوە دروست دەبێت وەك زۆر بەكارهێنانی دەرمان تا بوونی لوو لەسەردا لەوانە بەرزی پەستانی خوێن و هەوكردنی كەڵێنی لووت و پێكانی و كێشە لە لوولەكانی خوێن، تۆ دەتوانیت لە ماڵەوە سەرئێشە كەم بكەیتەوە لەوانە لە رێگەی خواردنەوەی ئاوی پێویست، كاتێك كەمخواردنەوەی ئاو سەرئێشە دروست دەكات بەهۆی وشكهەڵگەڕانەوە، بەتایبەتی لە شەقیقەو سەرئێشەی رارایی.

خواردنی مەگنسیۆم، چارەسەرێكی كاریگەری سەرئێشەیە، دووركەوتنەوە لە كهول، كە تووشی شەقیقەو جۆری تری سەرئێشەت دەكات، هەروەها نوستنی پێویست، چونكە خەوتن بۆ كەمتر لە شەشە سەعاتی شەوانە سەرئێشە دروست دەكات بە هاوشێوەی زۆرخەوتن، بەكارهێنانی چەند جۆرێك رۆنی بۆنداری ژمارەیەك رووەك وەك نەعناو لاڤەندەر، دانانی گۆز یان پارچەیەك پەڕۆی تەڕكراو بە ئاوی سارد لەسەر مل و خواردنەوەی چاو قاوەو حەسانەوەو چارەسەر بە وەرگرتنی حەب و دەرمانی پێویست.

ماكوان عیززە‌ت – هەولێر