چاره‌سه‌رکردنی هه‌ڵامه‌ت

10/10/2019 - 11:07 بڵاوکراوەتەوە لە هەواڵ/تەندروستی

چاره‌سه‌رکرنی هه‌ڵامه‌ت

 

هه‌ڵامه‌ت و په‌تا یه‌کێکه‌ له‌ کێشه‌ ته‌ندروستی یه‌ باوه‌کانی مناڵان که‌ ڕه‌نگه‌ هه‌موو مناڵێکی ته‌ندروست له‌ ساڵێک " ٤ ـــ ٦ جار "تووشی ببێت و زۆربه‌ی دایکان و باوکان نازانن چۆن به‌ شێوازێکی زانستی و دروست مامه‌ڵه‌ی له‌گه‌ڵ دا بکه‌ن.

 

هەروەها زۆربه‌ی حاڵه‌ته‌کان پێویست به‌ سه‌ردانی پزیشک ناکات دوای ته‌واو بوونی کۆرسی نه‌خۆشیه‌که‌ خۆی چاک ده‌بێته‌وه‌ بێ هیچ ده‌رمانێک 

ئه‌گه‌ر مناڵ تای هه‌بوو پێویسته‌ چاره‌ بکرێت له‌ ڕێگه‌ی له‌ به‌ر کردنی جلی ته‌نک و دوور که‌وتنه‌وه‌ له‌ داپۆشینی به‌ به‌تانی یان هێشتنه‌وه‌ی له‌ شوێنی زۆر گه‌رم به‌کارهێنانی که‌ماداتی ئاو بۆ ده‌ست و قاچ و ناوچه‌وانی مناڵ به‌ شێوه‌ی به‌رده‌وام به‌ڵام زۆر گرنگه‌ ئاوه‌که‌ سارد نه‌بێت به‌ڵکو پله‌ی گه‌رمی ئاوه‌که‌ هێنده‌ی پله‌ی گه‌رمی ژووره‌وه‌ بێت واتا نه‌ سارد نه‌ گه‌رم به‌ کارهێنانی شاڤ یان قه‌تره‌ یان شروبی تا وه‌ک پانادۆڵ یان پڕۆڤین.

 

شایەنی باسە پێدانی شه‌ره‌به‌تی فرێش و ئاوی میوه‌ و شۆربای ئاوی مریشک به‌ مناڵی سه‌روو شه‌ش مانگ به‌ به‌رده‌وامی بۆ ڕێگری کردن له‌ وشک بوونه‌وه‌ و به‌د خۆراکی به‌کارهێنانی هه‌ندێ گیراوه‌ و پێکهاتووی سروشتی وه‌ک ڕۆژی سێ جار یه‌ک که‌وچکی قاوه‌ هه‌نگوین نیو سه‌عات پێش ژه‌مه‌کان بده‌ مناڵه‌که‌ت 

یه‌ک که‌وچکی قاوه‌ شیله‌ی هه‌نگوین بخه‌ره‌ ناو یه‌ک پیاڵه‌ ئاوی پڕته‌قاڵ یان لاله‌نگی و تێکه‌ڵی بکه‌ و ڕۆژانه‌ چه‌ند جارێک بیده‌رێت یه‌ک که‌وچکی قاوه‌ شیله‌ی هه‌نگوین له‌گه‌ڵ یه‌ک که‌وچکی چا زه‌یتی کونجی بخه‌ره‌ ناو یه‌ک پیاڵه‌ ئاوی گه‌رم و ڕۆژی دوو جار بیده‌ به‌ مناڵه‌که‌ت زه‌یتی شمڵی یان ڕه‌شکه‌ وەک که‌وچکی چا بخه‌ره‌ ناو یه‌ک پیاڵه‌ ئاوی گه‌رم و ڕۆژی دوو جار بیده‌ به‌ مناڵه‌که‌ت زه‌یتی کونجی: سینگ و پشت و ملی مناڵه‌که‌ی پێ بشێله‌ ڕۆژی دوو بۆ چوار جار ئه‌گه‌ر مناڵ لووتی گیرا بوو به‌کار هێنانی قه‌تره‌ پاش دوو ڕۆژ به‌مه‌رجێک لووتی زۆر گیرا بێت و هه‌وڵ بدرێت ته‌نها شه‌وان و کاتی نووستن به‌کار بێت وه‌ک قه‌تره‌ی فنستیل مه‌رجێک له‌ ژێر سه‌رپه‌رشتی پزیشک و بۆ ماوه‌یه‌کی دیارکراو به‌کار بێت ناو لووتی مناڵه‌که‌ت پاک مه‌که‌ره‌وه‌ ته‌نها ئه‌و چڵمه‌ بسڕه‌ که‌ هاتۆته‌ ده‌ره‌وه‌.