ئه‌وه‌ی له‌باره‌ی جگه‌ری مانگاوه‌ نه‌ت زانیوه‌

02/11/2019 - 12:01 بڵاوکراوەتەوە لە هەواڵ/تەندروستی

جگەری مانگا یەكێكە لەجۆرەكانی گۆشت و بەخواردنێكی بەلەزەتی خوانەكان ئەژمار دەكرێت، بەڵام دەبێت ئاگاداری چەندێتی و چۆنیەتی خواردنی بین.

جگەری مانگا ڕێژەیەكی زۆری پڕۆتین و ترشە ئەمینیە بنەڕەتیەكان و ڤیتامین و پێكهاتە ئاسنینەكانی تێدایە.

لەهەر (68) گرامێك جگەری مانگا هەریەكە لە (6%) ی چەوری بەكاربراوەی ڕۆژێك و (2%) ی سۆدیۆم و (1%) ی كاربۆهیدرات و (130) یەكەی گەرمۆكەی تێدایە. پرۆتین : لەهەر (68) گرامێك پڕۆتین بەشێوەیەكی وورد (40%) لەو پڕۆتینە هەیە كە جەستەی مرۆڤ پێویستی پێیەتی، دواتریش ئەو پڕۆتینە وەك ووزە سوودی بۆ جەستە دەبێت، ئەمە جگە لەدروستكردنی ئەنزیمەكان و هۆرمۆنەكان.

ڤیتامینەكان : لەهەر (68) گرامێك جگەری مانگا ڤیتامینێكی یەجگار زۆر لەجۆری (B12) بەجەستەی مرۆڤ دەبەخشێت، ئەوەش كاریگەری تەواوی هەیە لەسەر دروستكردنی خرۆكە سوورەكان و تەندروستی دەزگای هەستەوەری.

ئاسنەكان : لەهەر (68) گرامێك جگەری مانگا ڕێژەی (121%) تووخمی زنگ هەیە كە یەكێك لەئەركەكانی بریتییە لە دروستكردنی ئەركی بەرگری جەستەو هۆكارێكیشە بۆ دەرچوونی ئیلتیهابات لەجەستە بەخێرایی، هەروەها لەو ڕێژەیەی جگەری مانگا ڕێژەی (56%) ی ئاسن هەیە كە كاریگەری ئەرێنی زۆری هەیە لەسەر سییەكان و هۆكارێكیشە بۆ نوێ‌ بوونەوەی خانەكان، هەمان ڕێژەی جگەری مانگا ڕێژەی (45%) لەتوخمی سیلینیۆمی تێدایە كە كاریگەری تەواوی هەیە لەسەر ئەو خانانەی كە ڕووبەڕووی لەناوچوون دەبنەوەو دەبنە بەشێك لەدژە ئۆكسید بۆ خانەكانی شێرپەنجەو نەخۆشییەكانی دڵ.

كۆلیسترۆڵ : یەكێك لەو گرفتانەی كە ڕووبەڕووی خواردنی جگەری مانگا دەبێتەوە بوونی ڕێژەیەكی بەرز لەكۆلیسترۆڵی تێدایە، بەشێوەیەك لەهەر (68) گرامێك جگەری مانگادا ڕێژەی (90%) ی كۆلیسترۆڵی پێویست بۆ دروستكردنی خانەكان و چەند جۆرە هۆرمۆنێك پێویستە، ئەمە لەكاتێكدا كە جەستە خۆی كۆلیسترۆڵی پێویست بەرهەم دەهێنێت، بەشە زیادەكەش كاریگەری نەرێنی لەسەر جەستە دروست دەكات و نەخۆشییەكانی دڵ و جەڵدەی مێشكی بەدواداێت.

چەند سوودێكی جگەری مانگا : 1. سەرچاوەیەكی سەرەكی پڕۆتینەكانە.

2. سەرچاوەیەكی سەرەكیە بۆ هەریەكە لەڤیتامینەكانی 

K،A،D،E). 3. باشترین سەرچاوەیە بۆ توخمی نیكل.

4. چەند جۆرە سیستەمێكی باشی تێدایە بۆ چاڵاك كردنی دڵ و سووری خوێن.