ئەم كەسانە ترێ بخۆن

03/11/2019 - 21:05 بڵاوکراوەتەوە لە هەواڵ/تەندروستی

 

پسپۆرێكی بواری خۆراك ئاماژەی بەوەكردووە، خواردنی میوەی ترێ‌ سوودی زۆری بۆ تەندروستی مرۆڤ هەیە، بەیەكێكیش لە سێ‌ پاشاكەی میوەجات ئەژمار دەكرێت لەدوای خورماو هەنجیر.

(د. جەمال عەتار) پسپۆری بواری خۆراك لەمیسر رایگەیاندووە، لەقورئانی پیرۆزدا ئاماژە بۆ چەندین جۆرە میوەجات و خواردن كراوە، یەكێكیش لەوان ترێیە، بەپێی لێكۆڵینەوەكانیش دەركەوتووە خواردنی میوەی ترێ‌ سوودی بۆ جەستەی مرۆڤ زۆرە.

عەتار لەباسی لایەنە ئەرێنییەكانی ترێ‌ دەڵێت، ترێ‌ چارەسەرە بۆ نەخۆشییەكانی سنگ و كۆكەو هەوكردنەكانی سییەكان لادەبات.

هەروەها عەتار ئاماژەی بەوەكردووە، مێو یان پەلكی میوەی ترێ‌ بۆ زۆر نەخۆشی دەرمانە، وەك پاش میزو سكچوون و كۆكەو چەندینی تر.

ئەو پسپۆرەی بواری خۆراك ئاماژەی بەوەشكردووە، ترێ‌ كاریگەری زۆری بەسەر گورچیلەوە هەیە، بەتایبەتی خواردنی چەند دەنكێك لەكاتی بەیانیان، ئەوا لەزۆر نەخۆشی تریش دوردەكەویەوە.

لەنێو ترێدا (15%) شەكرەو (15%) پرۆتین و (1.5%) چەوری و ڕێژەیەكیش لە خوێیەكانی (پۆتاسیۆم و كالیسیۆم و فسفۆر) و ڤیتامین (B) و (G) و گەرمۆكەی تێدایە.