هوشداری دهێتە دان وەلاتیێن هەرێما کوردستانێ ڤان جورە دەرمانان بکارنەئینن

01/01/2020 - 17:18 بڵاوکراوەتەوە لە هەواڵ/تەندروستی

 

کونتروڵا جوری دەرمانا هەرێمێ هوشداریێ ددەت دەربارەی بکارئینانا چەند جورێن دەرمانا دبنە ئەگەرێ توشبون ب نەخوشیێن پەنجەشێر و تێکچوونا دەروونی و لاواز بوونا دلی.

د راگەهاندنەکێ دا رێڤەبەریا کونترولا جوری دەرمانا راگەهاند: " دناڤا تورێن جڤاکی دا بەرهەمەک بناڤێ ئەدیۆس Adios بۆ کێمکرنا سەنگا لەشی بانگەشەیا سروشتی بوونێ بو دکەن و ئەو بەرهەم د ماوێ هەیڤەکێ دا 10 بو 15 کیلویان سەنگا لەشی کێم دکەت، لەورا هەوە پشت راست دکەین ئەو بەرهەمە دەرمانێ مەترسیدار و قەدەغەکری تێدا هەیە."

ئاشکرا ژی کر: بەرهەمێن کێم کرنا سەنگا لەشی دەرمانێن فینفلۆڕامین و دێكسفینفلۆڕامینیان تێدایە، ژبەر خراپیا پروفایلێ سلامەتییێ دبیتە ئەگەرێ تێکشکاندنا زمانێن دلی ل سالا 1990 ل بازارێن دەرمانان ڤەکێشاینە.

ئەو ژی دیار کریە: ماددێ سیبوتڕامین جورەکێ دی وان دەرمانایە بو کێمکرنا سەنگا لەشی بکار دهێن، دبیتە ئەگەرێ نەخوشیێن دلی و تێکدانا بارێ دەرونی و ل سالا 2010 هاتینە قەدەغەکرن.

کونتروڵا جوری دەرمانا ئاشکرا ژی کر : هەبوونا 

ماددێ فینۆڵفتالین دناڤا وان دەرمانا دا دبیتە ئەگەرێ توشبون ب نەخوشیێن پەنجەشێرێ و ل سالا 1997 قەدەغە کرینە کو مرۆڤ بکار بینیت.

هەر ئێک ژ بەرهەمێن باسچی Baschi، ئه‌ی بی سلیم AB- SLIM، ئه‌دیۆس Adios ئه‌و ماددە تێدا هەنه‌"