بزانە چی رووده‌دات ئه‌گه‌ر رۆژانه‌ سێو بخۆیت؟

02/01/2020 - 09:42 بڵاوکراوەتەوە لە هەواڵ/تەندروستی

پسپۆڕانی بواری خوراك ئاشكرای ده‌كه‌ن، ئه‌گه‌ر رۆژانه‌ دوو سێو بخۆیت مه‌ترسی تووشبوونت به‌ جه‌ڵته‌ی دڵ و ده‌ماغ كه‌مده‌كاته‌وه‌.

 

پسپۆڕانی بواری خۆراك هۆكاره‌كه‌ی بۆ ئه‌وه‌ ده‌گه‌ڕێننه‌وه‌، دوو سێو چواریه‌كی ئه‌و ریشاڵه‌ی تێدایه‌، كه‌ مرۆڤێكی پێگه‌شتوو له‌ رۆژێكدا پێویستی پێیه‌تی، هه‌روه‌ها جۆره‌ ریشاڵێكیشی تێدایه‌ كه‌ كۆڵسترۆڵی زیانبه‌خش كه‌مده‌كاته‌وه‌.

 

چل كه‌س، كه‌ ته‌مه‌نیان له‌ نێوان 20 بۆ 60 ساڵ بووه‌ به‌شداربوون له‌ توێژینه‌وه‌ی ئه‌و پسپۆڕانه‌ و بۆ ماوه‌ی هه‌شت هه‌فته‌.

دواتر دەركەوتوە ئه‌و 40 كه‌سه‌ی كە هه‌موو رۆژێك دوو سێویان خواردووه‌،رێژه‌ی كۆڵسترۆڵ له‌ موولووله‌كانی خوێنیاندا زۆر كه‌مبۆته‌وه‌.