تەندروستی چەند بڕیارێك بۆ ڕوبەڕوبونەوەی ئەنفلۆنزای وەرزیی، ڕاگەیاند

06/01/2020 - 10:39 بڵاوکراوەتەوە لە هەواڵ/تەندروستی

 


بەڕێوەبەرایەتی گشتی تەندروستی سلێمانی ڕایدەگەیەنێت: بە ئامانجی روبەروبونەوەی ئەنفلۆنزای وەرزیی ژمارەیەك بڕیارێك دەركرا لەوانەش دابینكردنی بڕێكی زیاتر لە فاكسینی دژی ئەنفلۆنزا و هەڵمەتی هۆشیاری زیاتر بۆ خۆپاراستن لەو پەتایە.



بەڕێوەبەرایەتی گشتی تەندروستی سلێمانی بڵاویكردوە: دوای كۆبونەوەیان لەگەڵ بەڕێوەبەرایەتی خۆپاراستنی سلێمانی و كارگێڕی بەشێك لەنەخۆشخانە پەیوەندیدارەكان كە تایبەت بوە روبەروبونەوەی ئەنفلۆنزای وەرزیی و ژمارەیەك بڕیار دەركراون كە ئامانج لێیان پاراستنی هاوڵاتیانە.

 

ئەوەشی خستەڕوو: چوار رێكاری پێویست بۆ روبەروبونەوەی ئەنفلۆنزای وەرزیی دەگرنە بەر كە ئەوانیش، "هەماهەنگی تەواوبكرێت لەنێوان بەڕێوەبەرایەتی گشتی تەندروستی سلێمانی و نەخۆشخانە ئەهلییەكان بۆ بەرەنگاربونەوەی پەتاكە و پێداچوونەوە بەهەموو ڕێوشوێنەكانی كەپێشتر گیراونەتەبەر .



لە ڕاگەیەندراوەكەدا ئەوەش هاتووە: بڕێكی زیاتر لە فاكسینی دژی ئەنفلۆنزا بۆدەزگا تەندروستییەكان و هاوڵاتیان، لە هەمان كاتیشدا داوا لە دەزگاكانی ڕاگەیاندن دەكەن كە رێنماییەكانی تایبەت بە ئەنفلۆنزای وەرزی بەشێوەیەكی فراوانتر بڵاوبكەنەوە .