به‌م ڕێگایانه‌ خۆت له‌ ئازاری سه‌ر ئێشه‌ ڕزگار بكه‌

22/01/2020 - 11:46 بڵاوکراوەتەوە لە هەواڵ/تەندروستی

سەرئێشە بەوە ناسراوە كێشەیەكی‌ تەندروستی‌ بڵاوەو زۆرجار لە رۆژدا رودەدات، كە هەندێكجار بە هۆكارێكی دیاریكراوی وەك ماندوبوون و كەمخەویەوە دەبێت.‌

بۆ چارەسەركردنی ئەو جۆرە سەرئێشەیە چوار رێگە هەیە، ئەوانیش ئاسانن مرۆڤ دەتوانێت لەهەركات بەكاریان بهێنێت كە ئەمانەی خوارەوەن.

1. قاوە : بەیەكێك لەو چارەسەرانە ناسراوە،‌ كە بەسوودە بۆ كەمكردنەوەی‌ ئازاری‌ سەرئێشە، هەروەها قاوە دەبێتە هۆی‌ كەمكردنەوەی‌ ئامرازی‌ دەمارگیری‌ و چارەسەركردنی‌ كێشەكانی‌ بۆری‌ میز.

2. چا : زۆرێك لەخەڵكی‌ حەز بەخواردنەوەی‌ چادەكەن، كە ‌سودێكی‌ باشی‌ هەیە بۆ تەندروستی،‌ بەتایبەتی‌ چای‌ سەوزو چای‌ قرفەو بابونج، كە هیچ زیانێكیان نیە بۆ جەستەو چارەسەری‌ سەرئێشەش دەكات.

3. شیكۆلاتە : شیكۆلاتەش بەهەمان شێوە،‌ دەبێتە هۆی‌ كەمكردنەوەی‌ سەرئێشەو‌ زۆرێك لە خەڵكی‌ دەیخۆن بەتایبەتی‌ ئافرەتان، شیكۆلاتەی‌ تۆخ دەبێتە هۆی‌ كەمكردنەوەی‌ سەرئێشە.

4. گوێز : گوێز یەكێكە لەو خۆراكانەی‌ كە سودێكی‌ باشی‌ هەیە بۆ تەندروستی‌ و دەبێتە هۆی‌ كەمكردنەوەی‌ سەرئێشە،‌ لەبەر ئەوەی‌ چەوری‌ پارێزی‌ تێدایەو‌ كاردەكاتە سەر دابەزاندنی‌ كێش و كرداری‌ هەرس كردنیش چاڵاك دەكات.