باشترین میوە بۆ تووشبوانی نەخۆشی شەكرە بزانە

چوار شەممە, 13 ئەیلول 2017 06:28

 

 

زۆربەی ئەو كەسانەی كەتووشی نەخۆشی شەكرە بوون دەپرسن لەبارەی باشترین جۆری میوە بۆیان، لەنێو میوەكانیش چەند جۆرێك هەن كاریگەری لەسەر تووش بووانی ئەو نەخۆشییەوە هەیە.

بەپێی لێكۆڵینەوەیەكی پزیشكی دەركەوتووە، هەرمێ باشترین جۆری میوەیە بۆ توشبوانی نەخۆشی شەكرە.

پزیشكان دەڵێن، هەرمێ میوەیەكی بەتامەو دەوڵەمەندە بەو ریشاڵانەی كە لەئاودا دەتوێنەوە كەهەر ئەم ریشاڵانەشە مژینی شەكر لەریخۆڵەدا لاواز دەكات، بۆیە خواردنی هەرمێ بەشێوەیەكی زۆر بەسوودە بۆ توشبوانی نەخۆشی شەكرەو دڵ.

هەرمێ سوودی تریشی هەیە بەوپێیەی دەوڵەمەندە بەپێكهاتەی فلافۆنلزو چەندین جۆری تر، هاوكات رێنمایی دەكرێت بەخواردنی هەرمێ بەتوێكڵەكەیەوە.

توێژینەوەكان ئاماژە بەوە دەكەن كەخواردنی هەرمێ بەسوودە بۆ توشبوانی شەكرە لەجۆری دوو، هاوكات ئەوەش بەسەر كەسانی قەڵەودا دێت كە هەستیاری وەرگرەكانی ئەنسۆلین كەم دەكات لەم دۆخەدا.

بەپێی زانیارییەكان ئەو ریشاڵانەی لەهەرمێدا هەن هاوكارن لەپەیوەندی بەشلە زەردەكەو كەمكردنەوەی كۆلیسترۆڵ.

هەرمێ (13) جۆری فلافۆنیدی تێدایەو رۆڵێكی گرنگ دەبینێت وەك دژە هەوكردن و دژە ئۆكسان و دژە پیربوون، بۆیە ئەو كەسانەش كەنەخۆشی هەوكردنی وەك رەبۆ و هەوكردنی جیوب و هەوكردنی جومگەكان، سەرباری ئەو كەسانەی كەتوشی زەهایمەرو پاركنسۆن و ئاوی سپی چاو و شێرپەنجەو پیربوونی پێشوەخت بوون یان ئەستووربوونی مولولەكان، پێویستە هەرمێ زۆر بخۆن.

 

ئـ . كـ