ئەگەر هێلكە بخۆین، لەناو جەستەماندا ئەمانە روودەدەن

شەممە, 30 کانونی یەکەم 2017 07:37

 

 

هێلكە یەكێكە لە خۆراكە پڕ كانزاو ڤیتامینەكان بۆ جەستە، بەڵام دەزانیت كەسێكی ئاسایی ئەگەر ڕۆژانە (3 – 2) هێلكە بخوات لە ناو جەستەیدا چی ڕوودەدات ؟؟

بەپێی ئەنجامی لێكۆڵینەوەیەك دەركەوتووە كە خواردنی هێلكە كۆمەڵێك سوودی بۆ جەستەی مرۆڤ دەبێت كە بریتین لەمانەی خوارەوە.

1. مێشكت لەژێر پارێزگاری پێكهاتەی كۆلیندا دەبێت : كۆلین جۆرێكە لە چەوری فسفۆڕی و ئەمە زۆر پێویستە بۆ بەیەك گەیاندنی كارەبایی خانەكانی مێشك بەیەكەوە، جگە لەوەش باشترین جۆری ماتڕیاڵە بۆ دروستكردنەوەی خانەكانی مێشك، ئەگەر ڕۆژانە (3 – 2) هێلكە بخۆین ئەوە مێشك چاڵاك و خانەكانی پارێزراو دەبن.

2. چاوەكان دەپارێزێت بەهۆی بوونی پێكهاتەی لۆتین تێیدا : توێژینەوە نوێكان ئەوەیان ئاشكرا كردووە لەناو هێلكەی مریشكدا پێكهاتەی لۆتین هەیە ئەمەش بەرپرسە لە خاوێنكردنەوەو بەهێزكردنی توانای بینایی و شانەكانی چاو بە تەندروستی دەهێڵێتەوە.

3. ڤیتامین (D) بە جەستە دەدات وەك یارمەتیدەرێك بۆ مژینی كالیسیۆم : ئەگەر تۆ یەكێكیت لەو كەسانەی ڕۆژانە یەك كەوچكی چێشت ڕۆنی ماسی بە هێلكەی كوڵاوەوە دەخۆیت ئەوە باشتر وایە بزانیت ئەمە باشترین سەرچاوەی ڤیتامین (D) یە بۆ جەستەو ئەمەش وادەكات كالیسیۆم بە ئێسك و ددانەكان ببەخشێت و بەهێزیان بكات.

4. ڤیتامین (B) كۆمپلێكس پێست و قژو جگەر دەپارێزێت : لەناو هێلكەدا ڤیتامین (B12) هەیەو ئەمەش بۆ بریقەداركردنی قژو جوانكردنی پێست و پاراستنی جگەر لە نەخۆشی پێویستە.

5. ئەگەری توشبوون بە نەخۆشیەكانی دڵ و دەمارەكان كەمدەكاتەوە : توێژینەوە نوێكان ئەوەیان ئاشكرا كردووە ئەو كۆلیستڕۆڵەی لەناو هێلكەدا هەیە باڵانسی فۆسفۆلپید دەپارێزێت، چونكە لەناو هێلكەدا ئۆمێگا سێ هەیەو ئەمەش بڕی گلیسریدی سیانی لە خوێندا كەمدەكاتەوەو ئەگەری توشبوون بە نەخۆشییەكانی دڵ و مولولەی خوێن كەمدەكاتەوە.

6. زۆر بەسوودە بۆ دابەزاندنی كێش : توێژینەوەیەكی ئەمریكی نوێ ئەوەی ئاشكرا كردووە خواردنی دوو هێلكە بە تایبەت لە ژەمی بەیانیاندا دابەزاندنی كێش بە بڕی دووجار زیاتر دەكات و هەستكردن بە تێربوون بە مرۆڤ دەبەخشێت.

 

ئـ . كـ