ڤیتامینەكانی نێو لەش بەم جۆرە لەناو دەچن

یەک شەممە, 31 کانونی یەکەم 2017 07:44

 

 

ئەگەر هەست بە نەبوونی وزەو چاڵاكی و ئازاری ماسولكەكانی لەش دەكەن، ئەوا بەشێوەیەكی ئاسان دەتوانن بڵێن بڕی ڤیتامینەكان لەناو لەشدا كەم بۆتەوە.

شارەزایان چەند هۆكارێكیان دیاریكردووە، بەوەی زیان بە ڕێژەی كەم كردنەوەی ڤیتامینەكانی لەش دەگەیەنێت، مرۆڤیش وەكو خویەك ڕۆژانە ئەنجامی دەدات بێ ئەوەی ئاگادار بێت.
بەپێی بابەتێكی (كەی مەگەزین) سێ خوو دەبنە هۆی لەناوبردنی ڕێژەی ڤیتامینەكانی ناو لەش كە ئەمانەی خوارەوەن:

1. چای و قاوە: ئەو ئاوێتەی لەناو چای و قاوەدا هەیە، وەكو ترشی كلۆرۆجینیك، بە هۆكاری سەرەكی كەمكردنەوەی ماددە كانزایی و ڤیتامینەكان دادەنرێن، بە تایبەتی ئەگەر لەدوای نانخواردن بەشێوەیەكی ڕاستەخۆ بخورێتەوە.

2. خواردنی خۆراكە پڕ لە ڕیشاڵەكان : ئەو ڕێژە كەپەكەی لەناو دانەوێڵەو پاقلەمەنی و تۆوەكان و نان) بوونی هەیە، وا دەكات لە كەناڵی هەرس ڕێگری بكات لە هەڵمژینی ڤیتامینەكان بە ڕێژەی (%65).

3. خواردنی دەرمانی پزیشكی: كۆمەڵێك لێكۆڵینەوە لە ڕێكخراوی تەندروستی جیهانی ئاماژەیان بەوە كردووە، خواردنی دەرمانە پزیشكییەكان، بە تایبەتی حەپی دژە سكپڕی، دەبێتە هۆی كەمكردنەوەی ڕێژەی جۆرەكانی ڤیتامین (B) و ترشی فۆلیك و ماددەكانی مەنگەنسیۆم و زینك و سیلینیۆم.

 

 

ئـ . كـ