بۆ پێستێكی جوان، ئەم میوەو سەوزانە بخۆن

سێ شەممە, 02 کانونی دووەم 2018 05:30

 

 

توێژینەوەیەك ئەوەی دەرخستووە، زۆرێك لە خواردنەكان كاریگەریان هەیە بۆ سەر باش بوونی تەندروستی و پاراستنی پێست لە كەم و كورتی، هەروەها توێژەران ئەوەیان روونكردۆتەوە كە خواردنی سەوزەو میوە كە دوورن لە رێژەی چەوری سودێكی زۆریان هەیە بۆ پێست و دووركەوتنەوە لە خواردنی شیرینی و ئەو خواردنانەی كە رێژەی چەوریان هەیە ئەمە دەبێتە هۆی پاراستنی پێست لە هەموو كەم و كورتیەك.

چونكە سەوزەو میوە دەوڵەمەندن بە مادەكانی ئاسن و ڤیتامینەكان ئەمەش دەبێتە هۆی دابینكردنی ڤیتامین و مادە ئاسنینەكان بۆ پێست هەروەها توێژەران ئاماژەیان بەوەدا كە خواردنی ئەو میوەو سەوزانەی كە رێژەیەكی زۆر ڤیتامین (A) یان تێدایە كاریگەرییەكی زۆر باشی دەبێت بۆ سەر پێست بەتایبەتی خواردنی قەیسی و سپێناغ و گێزەرو پەتاتەو كەرەوز، دەبنە هۆی دابینكردنی گونجاوترین پێست.


هەروەها بەكاربردنی هێلكەو سەوزەی وشك ئەمانەش كە دەوڵەمەندن بە پرۆتین كاریگەری باشیان هەیە بۆ سەر پێست و دووری دەخەنەوە لە حەساسیەت و كەم و كورتی.

 

ئـ . كـ