ئەگەر لەكاركردن بوون، ئەم خواردنەوانە بخۆنەوە

چوار شەممە, 03 کانونی دووەم 2018 08:20

 

 

كافایین لەنێو قاوەدا هەیەو كاریگەرییەكی ووریاكەرەوەی هەیە بۆ مێشك ئەمەش دەیكاتە باشترین بۆ سەعاتە درێژەكانی كاركردن لەپاڵ ئەوەشدا چەند جۆرێكی تر هەیە كەهاوكاریت دەكات لەچاڵاكبوونەوەدا ئەوانیش:

1. ئاو: بەپێی توێژینەوەیەك خواردنەوەی سێ‌ كوپ ئاو بەر لەكاركردن وادەكات (%14) خێراتر مێشك كاربكات و وەڵامدانەوەی بۆ كارەكان باشتر بێت، كەم ئاو خواردنەوەش هەستی نیگەرانی و قەلەقی دەداتە كەسەكە.

2. چای سەوز: كانگای دژە ئۆكسانەكانەو رێژەیەك كافاینی تێدایە بۆیە كوپێك یان دوان باشە بۆ زیادكردنی تەركیزت لەكاتی كاردا بەوپێیەش دڵ و خوێنبەرەكان دەپارێزێ لەجەڵتەو رێگری لەدروستبوونی خانە شێرپەنجەییەكان دەكات.

3. زەنجەبیل: ئەمەش هاوكاری دەكات لەئاسانتر تێپەربوونی خوێن بۆ مێشك و زیادبونی چاڵاكی، سەرباری ئەوەش دەتپارێزێت لەڤایرۆس و میكرۆب.

4. رۆزماری: كەمادەی (Cineole) ی تێدایە كەتوانای مێشك باش دەكات بۆ ئەمەش دەتوانیت بیخۆیتەوە یان بۆنەكەی هەڵمژیت.

5. مەریمی : ئەمیش بەگیراوەی بیركردنەوە ناسراوە، مێشك و بیر بەهێز دەكات.

6. شەربەتە فرێشەكان : وەك شیرو مۆزو لیمۆو ئەناناس، باشترینن چونكە دەوڵەمەندن بەڤیتامین و كانزاكان.

zagros