ئەوانەی كێشەی جومگەیان هەیە، ئەم 9 خواردنە مەخۆن

هەینی, 09 شوبات 2018 06:55

 

 

ئەو خۆراكانە چین كەپێویستە بەدوور بین لێی لەكاتی بوونی گرفت لە جومگەدا؟

ڕەنگە بەهۆی ئازاری جومگەوە زۆرجار نەتوانین هەندێ كارو فرمانی ڕۆژانە ئەنجام بدەین ئەمەش بەهۆی ئاوسان و ئازارەوە هەندێك جار ئەم ئازارە پەیوەندی بەتەمەن و ڕەگەزەوە هەیە كە ڕەنگە ببێتە گرفتێكی درێژخایەن.

وەك زانراوە پێكهاتەی خۆراك هەیە بەسوودن و هەن بە پێچەوانەوە بەنموونە بۆ كەمكردنەوەو نەهێشتنی ئازاری جومگە وەك (سیر، زەنجەبیل، زەردەچە).

لەبەرامبەردا یەكێك لە سەرەكیترین هۆكارەكان بۆ خراپ بوونی باری جومگە خۆراكە، كە بەرای پسپۆران كۆمەڵێك خۆراك بونیان هەیەو دەبنە مایەی پەرەسەندنی ئازاری جومگەكان ئەوانیش وەك ئەمانەی خوارەوە:

1. گۆشتی سوورو بەرهەمەكانی كە بەهۆی كارلێكە كیمیاوییەكانەوە هەوكردنی جومگە ئازاری بەرەو خراپتر دەبات، هەروەها مادەیەكی ژەهرین لەخۆ دەگرێت بەناوی گلایكۆیشن كە ئاستی هەوكردنی جومگە زیاتر دەكات.

2. بەرهەمی شیرینی: شیرینی سەرەكیترین هۆكاری پیربوون و هەوكردنە پاشان سەرچاوەی زایادبوونی كێشی لەشە كە گرفت بۆ جومگە دروست دەكات، هەروەها بەرهەمەكانی كە پێكهاتەی گازی و سۆدا لەخۆدەگرێت زیان بەخشن.

3. شیرەمەنی: بەهۆی بوونی ڕێژەیەكی زۆر لە سەرچاوەی پرۆتین لە پێكهاتەی شیرەمەنی باشترە لە كاتی بوونی گرفت لە جومگەدا بەدوور بین، چونكە پرۆتین هۆكارە بۆ دروستبوونی ئازاری جومگە كە دەبێتە هۆی بزواندنی ڕیشاڵەكانی دەوری جومگە.

4. ڕۆنی گەنمەشامی: ئەم بەرهەمە ڕێژەیەكی زۆر پێكهاتەی (ئۆمێگا 6) لەخۆ دەگرێت، كە دەبێتە بەرزبوونەوەی ڕێژەی هەوكردن لە جەستەدا.

5. بەرهەمی دانەوێڵە: بەهۆی بوونی ڕێژەیەكی زۆر لەپێكهاتەی (گلای سامیج) لەبەرهەمەكانی دانەوێڵە كە دەبێتە هۆی دروستبوونی گرفت لە سیستەمی بەرگری جەستە دواتر لاواز بوون بەرامبەر نەخۆشیە جۆراوجۆرەكان كە ڕووبەڕووی مرۆڤ دەبنەوە لەوانیش گرفتی جومگە.

6. هێلكە: خواردنی بەشێوەیەكی هەمیشەیی دەبێتە هۆی ئاوسان و هەوكردنی جومگە.

7. تەواوكەری خۆراكی (Whey protein) دەبێتە زیاتر ئاڵۆزكردنی ئازاری جومگەو بەرزبونەوەی ڕێژەی هەوكردنی.

8. خوێ: خوێی كانزای لەچەندین زێدەو مادەی كیمیاوی بەرهەم دێت كە هۆكارە بۆ ووشكبونەوەو تێكچوونی كاروفرمانی ئەندامەكانی جەستە لەوانە جومگەو ئێسك هەروەها مادەی كانزایی سروشتی لەخۆناگرێت وەك فسفۆر بەپێچەوانەوە خوێی سروشتی بڕێكی گونجاو لە كالیسیۆم و مادە كانزاییە سروشتیەكان لەخۆدەگرێت كە ڕاستەوخۆ سوودی هەیە بۆ ئێسك و جومگە.

9. خواردنە ئامادەكراوەكان كە ئێستا بەزۆری لە ماركێتەكاندا بوونی هەیە.

 

ئـ . كـ