كەی كاریگەریی بەهەڵە خواردنی دەرمان دەردەكەوێت؟

یەک شەممە, 04 ئازار 2018 06:40

 

پسپۆڕێكی نەخۆشییە هەناوییەكان ڕایدەگەیەنێت: كاریگەری دەركەوتنی دەرمان بەهەڵە تاوەكو شەش كاتژمێر دەردەكەوێت و پێویستە لەگەڵ بەهەڵەخواردنی دەرمان دەست بەجێ سەردانی نەخۆشنانە بكرێت.

 

د.زانیار نوری پسپۆڕی نەخۆشییە هەناوییەكان بەماڵپەڕی تەندروستی سلێمانی، راگەیاند: پێویستە حاڵەتی بەهەڵەخواردنی دەرمان بەزوویی بگەیەنرێتە نەخۆشخانەی فریاكەوتن، چونكە زۆربەی جار خواردنی دەرمانەكان لەسەرەتایی حاڵەتەكەدا تاوەكوشەش كاتژمێر و دواتر هیچ كاریگەرییەك دروست ناكات.

 

هەروەها وتیشی: پێویستە بەهەموو شێوەیەك كەسوكاری قوربانییەكە بەووریاییەوە هاوكاری پزیشك و ئەو كەسە بكەن، چونكە هەندێكجار ئەو كەسەی دەرمانی خواردووە نایەوێت بەپزیشك و كەسوكاری بڵێت كە دەرمانی خواردووە و نایەوێت ئاشكرا بێت كەچی بەكارهێناوەو پزیشكیش نازانێت چی خواردووە ، دەبێت كەسوكاری هاوكارێكی باشی پزیشك بن نەوەك باری تەندروستی نەخۆشەكەیان ناجێگیرتر بێت لەناو نەخۆشخانەدا.

 

 

 

 

س ب