ئەگەر پیاوان زۆر میزیان كرد، ئەم هۆكارانەی هەیە

سێ شەممە, 03 نیسان 2018 06:15

 

 

ویستی بەردەوام بۆ میزكردن یەكێكە لەو كێشەو گرفتانەی ڕووبەڕووی هەندێك كەس دەبێتەوەو لە پیاواندا هۆكاری ئەم حاڵەتە دەگەڕێتەوە بۆ ئەم هۆكارانەی خوارەوە:

1. ئەوكاتەی میزەڵدان كێشەی هەبێت ئەوە میزكردن زۆر دەبێت و ماسولكەكانی میزەڵدان بۆ میزكردن چاڵاك دەبێت و میز ڕاناگرێت.

2. هەوكردنی بۆریەكانی میزو میزەڕۆ، یەكێكی دیكەیە لە هۆكارەكانی ئارەزووكردن لە میزكردنی بەردەوام.

3. توشبوون بە نەخۆشی شەكرەو گورچیلەكان.

4. بەكارهێنانی هەندێك دەرمان و چارەسەر بە تایبەت چارەسەری نەخۆشیەكانی شێرپەنجەو دەرمانە میزپێكەرەكان و چارەسەری تیشكی.

5. زۆر خواردنەوەی ئەو خواردنەوانەی كافاین لە پێكهاتەیاندا هەیە وەك چاو قاوەو ئەو خواردنەوە گازیانەی كافاین لە پێكهاتەیاندا هەیە، هۆكارن بۆ میزكردنی زۆر.

6. ئەو پیاوانەی مەی دەخۆنەوەو جگەرە زۆر دەكێشن، زیاتر كێشەی میزكردنیان هەیە.

چارەسەر: بۆ وەرگرتنی چارەسەر پێویستە سەرەتا هۆكاری حاڵەتەكە دەستنیشان بكرێت و ئەوكاتەی ئەم حاڵەتانەت هەست پێكرد ئەوە زوو سەردانی پزیشك بكە :

1. هەبوونی خوێن بە میزەوە.

2. هەستكردن بە ئازارو سوتانەوەو نەتوانینی میزكردن.

3. هەستكردن بە ئازار لە بەشی خوارەوەی سك و نێوانی ڕانەكان.

4. تاو ئارەزووكردنی بەردەوامی بەتاڵكردنەوەی میزەڵدان.

 

 

 

ئـ . كـ