میوە خواردن لەوەرزی ساردو گەرم چۆنە ؟؟

پێنج شەممە, 11 تشرینی یەکەم 2018 07:05

 

 

بۆ هەر كەسێكی ئاسایی جەستەی مرۆڤ پێویستی رۆژانەی بە خواردنی میوەو سەوزە هەیە، بۆ وەرزی ساردو گەرمیش جیاوازی هەیە.

بەپێی ئەنجامی لێكۆڵینەوەكان دەركەوتووە، كە مرۆڤی ئاسایی بۆ هەر رۆژێك پێویستە میوەو سەوزە بخوات تاكو پێویستی جەستەی پێ دابین بكات و وەك ووزە سوودی لێوەربگرێت.

بەشێوەیەكی گشتی خەڵك رۆژانە نزیكەی (200) گرام میوەو (200) گرام سەوزە دەخوات، ئەوەش كەمترین رێژەیە كە لەش پێویستی پێیەتی، بۆیە پێویستە رێژەكە بەرزببێتەوە بۆ (600) گرام لە میوەو سەوزە بەتایبەت لە رۆژە ساردەكانی ساڵدا.

بەوپێیەی سەوزەو میوەكان رێژەیەكی باش و پێویست لە شەكر دەبەخشن بە لەش بۆ دروستكردنی وزەو هەروەها رێژەیەكی باش ڤیتامیناتی تێدایە كە بەرگری لەش زیاد دەكات و جگە لەوەش دژە ئۆكسانی تێدایە یارمەتیدەرێكی سەرەكییە لە رێكخستنی كرداری هەرسدا.

لەوانەش گرنگتر سەوزەو میوە رەنگاو ڕەنگەكانی وەك تەماتەو چەندینی تر سەرچاوەیەكی باشن بۆ چاڵاككردنی سوڕی خوێن، جگە لەوەی رێژەیەكی باش ریشاڵی تێدایە كە لە شێرپەنجەی ریخۆڵەو گەدە دەمانپارێزێت.

 

 

ئـ . كـ