بۆ ئەم نەخۆشیانە، هەنجیری وشك كراوە بخۆن

یەک شەممە, 11 تشرینی دووەم 2018 06:50

 

 

هەنجیری وشككراوە یەكێكە لە خۆشترین میوەكان، هەروەها زۆرینەی خەڵكی ئارەزووی هەنجیری وشك دەكەن نەك تەڕ، هەربۆیە هەنجیری وشك خواردنێكی بەتام و چێژە، هاوكات چەندین سوودی بۆ جەستە هەیە.

هەنجیری وشك بەیەكێك لە خۆراكە بەسوودەكان هەژماردەكرێت بۆ جەست، وە لە پێكهاتەكانیدا (كالیسۆم، ئاسن، سۆدیۆم، مەنگەنیز، فسفۆڕ، ڤیتامینەكانی جی و ئەی و بی1 و بی2 و بی 3 و بی 6 و كەی) تێدایە، لە هەنجیری تەڕدا لە ( 20 - 30%) شەكری تیدایەو لەهەنجیری وشكدا لە (0 – 1%) ی تێدایە.

سوودەكانی هەنجیری وشككراوە:


1. بەسوودە بۆ گورچیلەكان و میزەڵدان و ڕێڕەوی میز.
2. میزهێنەرەو جەستە لە مادە ژەهراوییەكان پاك دەكاتەوە.
3. چارەسەری كێشەكانی سنگ دەكات و پلەی گەرمی جەستە دەپارێزێت، هەروەها هاوكارێكی باشە بۆ بەرگری جەستە لە نەخۆشییەكان.
4. چارەسەری گرفتەكانی دڵ دەكات و ترپەی دڵ ڕێك دەخات.
5. چارەسەری كۆكەو بەڵغەم دەكات.
6. تەنگەنەفەسی كەم دەكاتەوە.
7. جگەر چاڵاك دەكات.
8. بۆ ئەوانەی مایەسیرییان هەیە بەسوودە.
9. پارێزگاری لە تەندروستی مرۆڤ دەكات و هاوكارێكی باشییەتی بۆ هێشتنەوەی تەندروستییەكی باش.
10. فشاری خوێن ڕێك دەخات.
11. یارمەتیدەرێكی باشە بۆ ڕێگری لە شێرپەنجەی پێست و پرۆستات و مەمك.
12. چەوری خوێن كەم دەكاتەوە.
13. ڕێگری دەكات لە هەستی زوو برسیبوون.
14. بۆ ئەو ژنانە بەسوودە كە سووڕی مانگانەیان نامێنێت بەهۆی تەمەنەوە.
15. سوودی بۆ ڕوخسار هەیەو جوان و گەشاوەی دەكات.
16. سوودی بۆ قژ هەیەو پارێزگاری لە درێژی و هەڵوەرینی دەكات.
17. زیانەكانی هەنجیری وشكەوەكراو:


بێگومان هەر خۆراكێك كە باس دەكرێت مەرج نییە ئەو سوودانەی كە هەیەتی بۆ هەمووان وەك یەك بێت، بەڵكو بەداخەوە هەندێك كەس بەهۆی بوونی نەخۆشی ناتوانن سوود لە بەها خۆراكییەكەی وەربگرن و بە پێچەوانەوە دەبێت خۆیانی لێ بپارێزن.


هەنجیری وشكراوە كاریگەری خراپی هەیە بۆ نەخۆشانی گورچیلە، ئەوەش بەهۆی ئەوەی كە بڕێكی زۆر مادەی پۆتاسیۆمی تێدایە، هەروەها دەبێتە هۆی بەرز كردنەوەی شەكر لە خوێندا، هەر بۆیە ئەوانەی شەكرەیان هەیە نابێت بێ ڕاوێژكردن بە پزیشكی پسپۆڕی خۆیان بیخۆن، هاوكات ئەوانەی كە ئارەزووی دابەزاندنی كێشیان دەكەن نابێت زۆر بخۆن، چونكە كاریگەری نەرێنی دەبێت لەسەریان و قەڵەویان دەكات.

رۆژنامەی هەولێر