منداڵێكی گەورە لەدایك بوو

17/12/2018 - 08:55 بڵاوکراوەتەوە لە هەواڵ/تەندروستی

 

 

لە قەزای سۆران سەر بە پارێزگای هەولێر بۆ یەكەمین جار، منداڵێكی گەورە لەدایك دەبێت كە كێشی لەسەروو ڕێژەی سرووشتییە.

(د. مەهاباد دلاوەر) بەڕێوەبەری نەخۆشخانەی لەدایكبوون و منداڵانی سۆران رایگەیاند، ئافرەتێكی دووگیانی خەڵكی شارەكە، سەردانی نەخۆشخانەی كردو لە ماوەی (38) هەفتەی دووگیانیدا بە نەشتەرگەری منداڵێكی لە دایك بووە.

بەڕێوەبەری نەخۆشخانەی لەدایكبوون دەڵێت، منداڵەكە رەگەزی نێرەو كێشی شەش كیلۆیەو یەكەمین جارە منداڵێكی ئاوا بەكێش لە نەخۆشخانەكەمان لەدایك دەبێت، ئێستەیش تەندروستی منداڵەكە جێگیرە.

دكتورە مەهاباد كە پسپۆڕی لە نەخۆشیەكانی ئافرەتان و لەدایكبوون هەیەو نەشتەرگەری منداڵە گەورەكەی سۆرانیش خۆی ئەنجامی داوە، هۆكاری زیادی كێشی ئەو منداڵە بۆ دایكی دەگەڕێنێتەوە كە تووشبووی نەخۆشی شەكرەیە، دەڵێ، ئەو ئافرەتانەی دووگیانن و نەخۆشی شەكرەیان هەیە، زۆربەی كاتدا كێشی منداڵەكانیان لە قەبارەی سرووشتی زیاتر دەبێ.

بەپێی شارەزایانی پزیشكی، كێشی ئاسایی ئەو منداڵانەی تازە لەدایك دەبن لە نێوان دوو كیلۆو نیۆ بۆ سێ كیلۆو نیوە، لەوە زیاتر بە منداڵی نائاسایی هەژمار دەكرێ.

 

 

ئـ . كـ