بزانن ددان شووشتن پەیوەندی بە چییەوە هەیە

18/01/2019 - 10:03 بڵاوکراوەتەوە لە هەواڵ/تەندروستی

 

 

بەپێی دوایین توێژینەوەی زانستی دەركەوتووە كە پەیوەندییەكی بەهێز هەیە لە نێوان لاوازی سێكسی و ددان شووشتن لەلای پیاوان. 

لە توێژینەوەكە هاتووە بەلایەنی كەم لەهەر پێنج كەسێك یەكێكیان نەخۆشی پدوەكانی هەیەو ئەمەش دەبێتە هۆی خوێن بەربوون لە پدوەكان و ناخۆش كردنی بۆنی دەم.

توێژینەوەكە لەلایەن زانكۆی جینانی چینی لەسەر (213) هەزار پیاو ئەنجامدراوەو دوای شیكردنەوەی زانیارییەكان دەركەوتووە پەیوەندییەكی بەتین هەیە لە نێوان خاوێنی دەمی ئەم پیاوانە لەگەڵ توانای سێكسیان.

لە توێژینەوەكە هاتووە، ئەو پیاوانەی ددانیان ناشۆن سێ ئەوەندە ئەگەر ئەوەیان هەیە زیاتر تووشی لاوازی سێكسی ببن، چونكە نەخۆشییەكانی پدو دەبێتە هۆی كەمبوونەوەی هۆڕمۆنی سێكسی (تستۆسترۆن) و زیاد بوونی ئاوسان.

دوای ئەو توێژینەوە پزیشكان ئامۆژگاری پیاوان دەكەن بەلایەنی كەم رۆژانە دوو جار ددانەكانیان بشۆن بۆ ئەوەی دووربن لە نەخۆشیەكانی ناو دەم.

 

 

ئـ . كـ