چارەی هەوكردنی قۆڵۆن دەدۆزرێتەوە، بزانن بە چی دەكرێت ؟؟

22/01/2019 - 08:56 بڵاوکراوەتەوە لە هەواڵ/تەندروستی

 

 

پزیشكانی ئەمریكی زانكۆی لویزفێل رایدەگەیەنن، رۆژانە خواردنی هەنار هەوكردن لەو كەسانەی بەدەست نەخۆشی هەوكردنی قۆڵۆنەوە دەناڵێنن كەمدەكاتەوە.

پزیشكە ئەمریكییەكان لە توێژینەوەیەكدا پەیوەندییان دۆزیوەتەوە لەنێوان خواردنی میوەكان بەگشتی و هەنار بەتایبەتی، لەسەر كەمكردنەوەی ئاماژەكانی هەوكردن لە قۆڵۆندا.

(ڤێنكاتا كریشنا رۆ جالا) توێژەر لە زانكۆی لویڤیل و یەكێك لە ئەنجامدەرانی توێژینەوەكە رایگەیاندووە، هەنار یەكێكە لەو میوانەی جگە لە تامە خۆشەكەی سوودی تەندروستی یەكجار زۆری هەیە، ئەم میوەیە بە رێژەیەكی باش بە دژە ئۆكسێنەكان دەوڵەمەندە.

سەرپەرشتیاری توێژینەوەكە روونیدەكاتەوە، لەكاتی پرۆسەی هەرسكردن ماددەكانی وەك (ئیلاگیتانینس) كە لەنێو هەنار هەن، لەلایەن بەكتریاكانی جەستە تێكدەشێن و سەرەنجام یورۆلیتینا A لە جەستەدا دروستدەبێت، بەمەش هەوكردن لە قۆڵۆن كەمدەبێتەوە.

پزیشكانی ئەمریكی بۆیان دەركەوتووە، ئەو كەسانەی نەخۆشی هەوكردنی قۆڵۆنیان هەیە ئەگەر رۆژانە هەنارێك بخۆن نیشانەكانی نەخۆشییەكەیان باشتردەبێت.

نەخۆشی هەوكردنی قۆڵۆن حاڵەتێكی درێژخایەنی كۆئەندامی هەرسە دوو جۆری سەرەكی هەن، نیشانەكانیشی بەشێوەیەكی گشتی بریتین لە سكچوون، لەدەستدانی كێشی لەش، تاو كەمخوێنی پەیوەست بە ماددەی ئاسن.

 

 

 

ئـ . كـ