خورما بخۆن، لەم 6 نەخۆشییە بەدووردەبن

01/04/2019 - 10:30 بڵاوکراوەتەوە لە هەواڵ/تەندروستی

 

 

خورما برێكی زۆر ڤیتامین و كانزاو مەوادە سوود بەخشەكانی تێدایە كە گرنگیەكی زۆر تایبەتی بۆ تەندروستی مرۆڤ هەیەو بەئاسانی هەرس دەبێت و ئەمانەش سوودەكانیەتی:

1. دژە هەوكردنە: خورما دەوڵەمەندە بە مەگنیسیۆم كە ئەوەش مادەیەكی ناسراوە بۆ دژە هەوكردن و بەپێی لێكۆڵینەوەكان مەگنیسیۆم توانای كەمكردنەوەی مەترسیەكانی تووشبوون بە هەوكردنی جومگەكان و نەخۆشی دڵ و زەهایمەرو نەخۆشیەكانی دیكەی پەیوەند بە هەوكردنەوە هەیە.

2. دەوڵەمەندە بەماددە ریشاڵییەكان: خورما دەوڵەمەندە بە ریشاڵەكان و یەك دەنك خورما رێژەی (1.6%) ریشاڵەكانی تێدایە كەریشاڵەكان بەوە ناسراون یارمەتی دابەزینی كۆلیسترۆل و پارێزگاری لە قەڵەوبوون و شێرپەنجەی قۆڵۆن و نەخۆشیەكانی دڵ دەدات.

3. ووزە زیاد دەكات: خورما برێكی زۆر گەرمۆكەی تێدایەو دەبێتە هۆی زیادبوونی ووزەی لەش.

4. هەرسكردن باشتر دەكات و قەبزی ناهێڵێت: ریشاڵەكانی ناو خورما یارمەتیدەرە بۆ پاككردنەوەی كۆئەندامی هەرس و تەندروستی قۆڵۆن و ریخۆڵەكان و خورما گرنگە بۆ كەمكردنەوەی مەترسیەكانی تووشبوون بە شێرپەنجەی قۆڵۆن و مایەسیری و هەوكردنی قۆڵۆن.

5. كەمكردنەوەی بەرزە پەستانی خوێن: خورما دەوڵەمەندە بەچەند كانزایەك لەوانە مەگنیسیۆم و پۆتاسیۆم كە مەترسی بەرزە پەستانی خوێن كەمدەكاتەوە و وادەكات دڵ بەشێوەیەكی تەندروست كاربكات.

6. كەمكردنەوەی تووشبوون بە جەڵدەی مێشك: بەپێی لێكۆڵینەوەكان دەركەوتووە خواردنی خورما دەبێتە هۆی كەمكردنەوەی ئەگەری تووشبوون بە جەڵدەی مێشك بە رێژەی لە (9%).