چەند ڕێگەیەك بۆ خۆپاراستن لەقەبزی

06/06/2019 - 08:58 بڵاوکراوەتەوە لە هەواڵ/تەندروستی

 

 

قەبزی‌ ڕەنگە زۆر تا كەم تووشی‌ هەندێك لەمرۆڤەكان دەبێت و بەچەند ڕێگەیەكیش دەتوانین خۆمانی‌ لێ بپارێزین.

1. زۆر خواردنی‌ ئەو خۆراكانەی‌ ڕیشاڵیان تێدایە: ڕیشاڵەكان وادەكات قەبزی كەمببێتەوەو لە ناوڕیخۆڵەكان جوڵەی پێویست دابیندەكات، بۆئەو مەبەستە بەڕێژەی زۆر سەوزەو میوە بەسوودن. 

2. وەرزشكردن: وەرزشكردنی پاش نانخوردنی ئێوارە سودی لە كەمكردنەوەی قەبزی دەبێت. 

3. خۆپاراستن لەخواردنی چەور: هەندێك كەس پەنا بۆ خواردنی چەور دەبەن لەكاتێكدا زیان بەخشەو وادەكات هەرسكردن بەباشی ڕوونەدات و تونێتی و وشكبونەوە ڕوودەدات و تووشی قەبزیمان دەكات. 

4. خواردنەوەی بڕێكی زۆر ئاو: شلەمەنییەكان پەیوەندی ڕاستەوخۆیان بە قەبزییەوە هەیە‌ بۆیە هەوڵبدرێت زیاتر لەدوو لیتر ئاو بەڕێكخراوی بخورێتەوە. 

5. لەخەوتنی پاش نانخواردن دوركەونەوە: خەوتن پاش نانخواردن دەبێتە هۆی ئەوەی چاڵاكی گەدەو كۆئەندامی دەرهاویشتن كەمبكاتەوەو باشتر وایە چەند كاتژمێرێك پێش خەوتن نانبخورێت. 

6. دووركەوتنەوە لەو خۆراكانەی‌ كەقەبزی دروستدەكەن: خۆراكی سورەوەكراوو خواردنی ئامادەكراوی ناو قتوو گۆشتی سور وادەكات تووشی قەبزی ببین و هەوڵبدرێت كەمتر بخورێت.

(د. سیروان حەمە شەریف – پسپۆری نەشتەرگەری گشتی)