بۆ هەناسەدانێكی تەندروست، ئەم خۆراكانە بخۆن

11/06/2019 - 08:47 بڵاوکراوەتەوە لە هەواڵ/تەندروستی

 

 

هەناسەدانێكی تەندروست و باش هۆكارە بۆ ئەوەی بڕێكی دیاریكراو ئۆكسجین بۆ جەستەتان بگوازێتە، جگە لە خانەكان شانە پێویستی بە ئۆكسجینە بۆ ئەوەی بەردەوام بیت لە ژیان و بەشێوەیەكی تەندروست بژیت، ئەگەر هەناسەدان گونجاو نەبێت زۆر گرفت لە لەشدا روو دەدات، لێرەدا چەند خۆراكێك دەخەینەڕوو بۆ ئەوەی بەو خۆراكانە هەناسەدانتان ئاسان بكەن و بەو هۆیەشەوە ئۆكسجینی پێویست بە جەستەتان بگات.

1. بەپێی توێژینەوەی پزیشكی كارۆتینی بێتا دژە ئۆكسیدێكە كە سییەكان لە رەگە ئازادەكان دەپارێزێت، هەر بۆیە بایەخ بە خواردنی گێزەر بدەن، هەرچەندە زۆرینەمان دەزانین گێزەر باشە بۆ چاوەكان بەهۆی بوونی كارۆتینی بێتاوە، دەتوانرێت بەشێوەی خاو یان كوڵاو بخورێت كە باشە بۆ تەندروستی سییەكان و مەترسییەكانی شێرپەنجە كەم دەكاتەوە.

2. زەنجەفیل، بەهۆی تایبەتمەندی دژە هەوكردنەوە یارمەتی بەهێزبوونی كرداری هەناسەدان دەدات و چارەسەری هەوكردنی كۆئەندامی هەناسە دەدات دەتوانرێت بەشێوەی چا یان لە دروستكردنی شۆرباو زەڵاتەدا بەكاربهێندرێت.

3. برۆكلی، زیاتر دەوڵەمەندە بە ڤیتامین سی، برۆكلی بەسوودە بۆ سییەكان كە جۆرێكە لە سەوزەو توانای كەمكردنەوەی شێرپەنجەی سییەكانی هەیە، پێكهاتەی خۆراكی گرنگ كە یارمەتی بەهێزكردنی سیستەمی بەرگری دەدات لەش دەپارێزێت لە پەلاماردانی بەكتریاو ڤایرۆس.

4. چەرەزات و تۆوەكان، چەرەزات باشە بۆ هەناسەدان مەگنیسیۆمی تێدایە كە تەندروستی سییەكان باشتر دەكات و دەوڵەمەندن بە چەوری دروست كە بەسوودە بۆ سیستەمی دڵ و بۆڕییەكانی خوێن، ئەگەر دڵ تەندروست بێت ئەوە بەشێوەیەكی ئاسایی ئۆكسجین بەهەموو بەشەكانی تری لەش دەگات.

5. زەردەچەوە، بەهاراتێكی زۆر گرنگە زیاتر لە رۆژهەڵات و ئاسیادا بەكار دەهێنرێت كاریگەرییەكی باشی هەیە لەسەر سییەكان بەهەمان شێوەی زەنجەفیل بەسوودە.

6. كەلەرم، بەهەمانشێوەی برۆكلی، كەلەرم زۆر باشە بۆ كەمكردنەوەی مەترسییەكانی شێرپەنجەی سی و سیستەمی بەرگری بەهێز دەكات، برۆكلی و كەلەرم هەناسەدان باشتر دەكات لەگەڵ چەند سەوزەیەكی تری وەك كووزەڵە، تووری تیژ.

 

ماكوان عیززەت – هەولێر