هۆكارەكانی ئازاری مل رەق بوون بزانن

11/06/2019 - 10:27 بڵاوکراوەتەوە لە هەواڵ/تەندروستی

 

 

ئازار و ڕەقبوونی مل نەخۆشییەكی تاڕادەیەك بڵاوە، بە تایبەت بۆ ئەو كەسانەی كە زۆر كۆمپوتەرو مۆبایل بەكاردەهێنن، هەروەها جگە لەو هۆكارانە بەهۆی هەڵسوكەوت و جووڵانەوەی هەڵە یان نەخۆشی دیاریكراو هەندێك كەس تووشی ئازاری زۆرو رەقبوونی مل دەبنەوە.

لەچەند خاڵێكدا پزیشكان ئاماژە بە چەند هۆكارێك دەكەن كە بریتین لەمانە:

1. تووشبوون بە چەند نەخۆشیەك وەك خزینی كڕكڕاگەیی و بەركەوتنی گورز بەرمل و بڕبڕەی پشت و هەوكردنی رۆماتیزمی جومگەكان. 

2. پچڕانی ماسوولكەی مل، بەهۆی پەستانی دەرەكی كتوپڕو هەڵگرتنی شتێكی قوڕس لەسەر سەر یان كەوتن و بەریەككەوتن لەگەڵ كەسێكی تر.

3. دۆخی خەوتنی هەڵە، دیارترین هۆكارەو دەتوانیت راستەوخۆ دوای لەخەوهەستان تێبینی بكەیت كە ئازاری هەیەو بەزەحمەت دەجووڵێندرێت، رەنگە هۆكارەكەی سەرینەكەت بێت یان نووشتانەوەی مل لەكاتی نوستن، هەر بۆیە سەرینەكەت بگۆڕەو سەرینێكی گونجاو بەخۆت دابنێ.

4. زۆر بەكارهێنانی مۆبایل و تابلێت، یان نووشتانەوەی مل لەكاتی بەكارهێنانی مۆبایل و بۆ كاتێكی دوورودرێژو پشوو نەدان بە خۆتان ئەمەش گرفتێكی گەورەتان بۆ دەهێنێتە پێش و هۆكارە بۆ دروست بوونی ئازارو ڕەقبوونی مل.

چۆن خۆت لە ڕەقبوونی مل دەپارێزیت ؟؟

بۆ خۆپاراستن لە رەقبوونی مل پزیشكان ئامۆژگاری خەڵك دەكەن كە هەوڵبدەن شێوازی جموجۆڵ و ژیانیان بگۆڕن و لە هەڵسوكەوتە هەڵەكانی رۆژانەیان خۆیان بەدوور بگرن بۆ ئەوەی پارێزگاری بكەن لە ملیان.

ئەژین عەبدولڵا – هەولێر