چەند نیشانەیەكی دروستبوونی بەردی گورچیلە

12/06/2019 - 09:21 بڵاوکراوەتەوە لە هەواڵ/تەندروستی

 

 

ئازاری پشتت هەیەو هەست بەسوتانەوە دەكەیت لەكاتی میزكردندا، ئەمانەو چەند نیشانەیەكی دیكە ئاماژەیە بۆ بوونی بەرد لەگورچیلەكاندا.

1. هەبوونی خوێن بەمیزەوە: ڕووشاندنی شانەكانی ناوپۆشی بۆری میز بەهۆی بەردەكانەوە ئەگەری هەبوونی خوێن بەمیزەوە زیاد دەكات. 

2. دروستبوونی ئازار لەپشت و كەمەردا: بوونی ئازار بەشێوەیەكی بەردەوام، ئاماژەیە بۆ دروستبوونی بەرد لەگورچیلەكانداو هەندێكجار ئازارەكە لەناوچەی‌ كەمەریشدا بڵاودەبێتەوە. 

3. تا: هەندێكجار تالێهاتن حاڵەتێكی باو نییە لەناو هەموو نەخۆشەكاندا، بەڵام ئەو كاتەی‌ كەسێك بەرد لەگورچیلەیدا هەبێت و پلەی‌ گەرمای لەشی بەرزببێتەوە ئەوە دەبێت بگەیەنرێتە لای پزیشك، چونكە ئاماژەیە بۆ ئەوەی‌ بەردەكان ڕێڕەوی میزیان گرتووەو نەخۆش ناتوانێت میز بكات. 

4. كاتی وەرزشكردن و جوڵەی‌ زۆر هەست بەئازار دەكرێت: لەوكاتانەدا ئەگەری هەیە بەردەكان بجوڵێت و هەموو جوڵەیەكی بەردەكان ئازاری ناوبەناو دروستدەكات.

5. دڵتێكهەڵاتن و ڕشانەوە: ئەو كاتەی‌ بەردەكانی گورچیلە ڕێڕەوی بۆری میز دەگرێت ئەوە نەخۆش هەست بەڕشانەوەو دڵتێكهەڵاتن دەكات. 

6. هەستكردن بەسوتانەوە لەكاتی میزكردندا: بەردی گورچیلەكان ئەم حاڵەتەت بۆ دروستدەكات، ئەو كەسانەی‌ بەرد لەگورچیلەیاندا هەیە بۆنی میزیان ناخۆشە. 

7. زۆر میزكردن: یەكێكە لەنیشانەكانی دروستبونی بەرد لە گورچیلەكاندا، تەنانەت ئەگەر نەخۆش میزیش لەگورچیلەكانیدا نەبێت یان زۆر كەمبێت.