داعش ناوچەیەكی لەباكووری بەغدا كۆنترۆڵ كرد

15/05/2016 - 08:51 بڵاوکراوەتەوە لە هەواڵ/عێراقی

 

 

 

بەرەبەیانی ئەمڕۆ یەكشەممە گروپە چەكدارەكانی داعش بەتووندی هێرشیان كردۆتە سەر باكووری بەغدای پایتەخت.
لەمبارەیەوە سەرچاوەیەكی ئەمنی عێراقی بڵاویكردۆتەوە، ئەمڕۆ بەرەبەیانی یەكشەممە گروپە چەكدارەكانی داعش هێرشێكی تووندیان كردۆتە سەر ناوچەی تاجی لەباكووری شاری بەغداو توانیویانە بەشێك لەكارگەی غازی ئەو ناوچەیە وێران بكەن.
هەروەها سەرچاوەكە باسیشی لەوەكردووە، لەئەنجامی ئەو هێرشە لەناكاوەی داعش بۆ سەر ناحیەی تاجی لەباكووری بەغدا بەدەیان قوربانی لەڕیزی هێزە ئەمنییەكان و حەشدی شەعبی هەیە.
هاوكات باسیش لەوەكراوە كە دووان لەچەكدارەكانی داعش خۆیان لەناو كارگەكەی غاز تەقاندۆتەوەو بەشێكی زۆری بەغداش هەستی پێكردووە.
لەلایەن خۆشیەوە فەرماندەی كردەكانی بەغدا رایگەیاندووە، چەكدارەكانی داعش لەڕێگەی شەش خۆكوژەوە پەلاماری كارگەی غازیانداوە، بەڵام بەر لەهێرشەكەیان گیراوە.

 

 

ئـ . كـ