دۆخی بەغدا ئاڵۆزە، بە فەرمانی حەیدەر عەبادی چەندین هێزی تایبەت جێگیركراون

21/05/2016 - 09:12 بڵاوکراوەتەوە لە هەواڵ/عێراقی


دۆخی بەغدا ئاڵۆزە، بە فەرمانی حەیدەر عەبادی چەندین هێزی تایبەت جێگیركراون
دوای پێشهاتە چاوەڕوان نەكراوەكانی دوێنێی بەغدا و چوونە ناو باڵەخانەی ئەنجومەنی وەزیران لە لایەن لایەنگرانی ڕەوتی سەدر و كوژران و بریناربوونی دەیان خۆپیشاندەر، بە فەرمانی حەیدەر عەبادی چەندین یەكەی تایبەت لە ناو ناوچەی سەوز و دەوروبەریدا جێگیر كراون.
بەگوێرەی سەرچاوە عێراقیەكان، دوای دەركردنی خۆپیشاندەران لە ناوچەی سەوز و داخستنی سەرجەم دەروازەكانی، هێزێكی فیرقەی زەهەبی لە ناوچەكەدا جیچگیر كراون و ڕێگە بە هیچ جموجوڵێك نادەن.
هاوكات دوای هەڵگرتنی قەدەغەی هاتوچۆ لە بەغدا، هێزی ئەمنی لە چەند ناوچەیەكی بەغداش بلچوەیان پیچكراوە بە تایبەت لە دەروازەكانی گەڕەكی شەعب ناسراو بە گەڕەكی سەدر، بۆ ئەوەی ڕێگە بگرن لە كاردانەوەی لایەنگرانی ڕەوتی سەدر دوای كوژرانی ژمارەیەك خۆپیشاندەر.
بە گویشرەی ئامارە نا فەرمیەكان ڕۆژی ڕابردوو لانی كەم 3 كەس كوژراون و 600 كەسی دیكەش برینداربوون، جگە لە دەستگیركردنی سەدان خۆپیشاندەری تر لە لایەن هێزە ئەمنیەكانەوە.