موهەندیس : لەنێو فەلوجە (2500) چەكداری داعش هەیە

06/06/2016 - 09:40 بڵاوکراوەتەوە لە هەواڵ/عێراقی

 

 

 

جێگری سەرۆكی حەشدی شەعبی شیعەكان رایگەیاند، لەنێو شاری فەلوجە (2500) چەكداری داعش هەیەو لەم ژمارەیەش (10%) یان بیانین.
(ئەبو مەهدی موهەندیس) جێگری سەرۆكی حەشدی شەعبی شیعەكان لەشاری بەغدا بۆ رۆژنامەنووسان رایگەیاند، لەنێو شاری فەلوجە (2500) چەكداری داعش بوونیان هەیەو لەم ژمارەیەشدا (10%) یان چەكداری بیانی و سعودین.
ئەو رەخنەشی لەژمارەیەك دەزگای راگەیاندن گرت، كە ئۆپەراسیۆنی ئازادكردنەوەی شاری فەلوجە بەتایەفی دەكەن و ووتی: هێزەكەیان لەهەزاران گەنجی خۆبەخش پێكهاتوون.
هەروەها لەبەشێكی تری لێدوانەكەیدا موهەندیس ووتی، بەشێوەیەكی گشتی (80%) ی كردە تووندوتیژییەكان لەبەغدا سەرچاوەكەی شاری فەلوجەیە.
جێگەی باسكردنە (حەیدەر عەبادی) سەرۆكی فەرماندەی گشتی هێزە چەكدارەكان رایگەیاندبوو، لەحاڵی ئێستادا (45) چەكداری ئەمنی و حەشدی شیعی گەمارۆی شاری فەلوجەیان داوە.

 

ئـ . كـ