80 راوێژكاری ئێرانی دەگەنە نزیك فەلوجە

06/06/2016 - 10:14 بڵاوکراوەتەوە لە هەواڵ/عێراقی

 

 

 

بەپێی راپۆرتە هەواڵێك، بۆ بەشداری كردن لەشەڕی شاری فەلوجە لەئێرانەوە دەیان راوێژكار گەیشتوونەتە نزیك شارەكە.
رۆژنامەی (شەرقولئەوسەت) بڵاویكردۆتەوە، لەئێرانەوە (80) راوێژكاری پێشكەوتووی سەربازی گەیشتوونەتە نزیك شاری فەلوجەو بەشداری دەكەن لەشەڕی شارەكە.
بەپێی زانیارییەكانی راپۆرتەكە، ئەو (80) راوێژكارە ئێرانییە هاریكاری هەریەكە لە میلیشیا شیعەكانی (بەدرو عاشوراو ئەنساری مەرجەعیەت و عەقیدەو جیهاد) كە ئەو پێنج گروپە لەكۆی (10) گروپی بەشدار لەشەڕی شارەكە زۆر هەماهەنگیان لەگەڵ ئێراندا هەیە.
هاوكات راپۆرتەكە هەواڵەكە باسیش لەوەدەكات كە خودی (قاسم سلێمانی) فەرماندەی سوپای قودسی ئێرانی راستەوخۆ سەرپەرشتی شەڕی شاری فەلوجە دەكات.

 

ئـ . كـ