حەشدی شەعبی لەجێگەی سوپای عێراقی نمایشی سەربازی دەكات

15/07/2016 - 09:38 بڵاوکراوەتەوە لە هەواڵ/عێراقی

 

 

 

بەئامادەبوونی سەرۆك وەزیرانی عێراق، لەناوەڕاستی شاری بەغدا  حەشدی شەعبی نمایشێكی سەربازیان ئەنجامداوە.


نمایشە سەربازییەكەی میلیشیا شیعەكان دەنگۆی نیگەرانییەكی زۆری سیاسی بەدوای خۆیدا هێناوە، بەتایبەتی كاتێك ئەو میلیشیایە بەرگێكی مەزهەبگەرایی وەرگرتووەو سەدان تاوانی ئەنجامداوە.


نمایشە سەربازییەكە بەبۆنەی پێشڕەوی هێزە ئەمنییەكانی عێراق بووە لەسنووری شاری فەلوجەو روومادی، بەڵام هێزە چەكدارەكانی حەشدی شیعی بەبەرچاوی عەبادی و بەچەندین دروشمی مەزهەبگەرایی بەشداری ئەو نمایشەیان كردووە.


لەسەر یەكێك لەمووشەكەكان نووسراوە، مووشەكی (نەمر) ئەوەش وەك ئاماژەیەك بۆ نیگەران كردنی سعودیە، ئەوەش كاردانەوەی بەدوای خۆیدا هێناوەو نمایشەكە لەبەرگێكی مەزهەبگەرایی و تایەفی ئەنجامدراوە.

 

ئـ . كـ