داعش رێگەنادات پردی هەڵواسراو لەگەیارە دابندرێت

15/07/2016 - 09:40 بڵاوکراوەتەوە لە هەواڵ/عێراقی

 

 

 

گروپە چەكدارەكانی داعش شكست بەهەوڵێكی سوپای عێراق دێنن لەدانان و جێگیركردنی پردێكی هەڵواسراو لەباشووری شارەدێی گەیارە.
بەپێی راپۆرتە هەواڵێكی كەناڵی جەزیرە، هێزە ئەمنییەكانی عێراق لەڕێگەی تیمی ئەندازیاری لەهەوڵدان پردێكی هەڵواسراو لەسەر رووباری دیجلە لەنێوان هەردوو گوندی (حاجی عەلی و ئەجحەلە) لەباشووری شارەدێی شەرگات دابنێن تاكو لەوێوە بتوانن هێرشی زیاتر ئەنجام بدەن، بەڵام داعش شكستی بەو هەوڵە هێناوەو لەڕێگەی قەناس بەدەستەكانی پرۆژەكەی وەستاندووە.
تاكو ئێستا بەشێك لەشارەدێی شەرگات كە دوا بەشی سنووری پارێزگای سەڵاحەددینە لەژێر داعش ماوە، داعشیش بەفەرمی پشت راستی كردەوە كە (ئەبو عومەری چیچانی) سەركردەی دیاری سەربازیان لەو سنوورە كوژراوە.
بەپێی ئاژانس و سەرچاوە هەواڵییەكان تاكو ئێستا بەشێكی زۆری ئەو ناوچانەی لەژێر چنگی داعش دەرهێندراون، بەبێ‌ شەڕو پاشەكشەی داعش بووە، بەڵام تاكو ئێستا ئەوە روون نەبۆتەوە كە ئایا ئەوە پیلانێكی تری داعشە، یان شەڕی موسڵ نزیكەو ئەوانیش لەشكستن.

 

ئـ . كـ