نەتەوەیەكگرتوەكان: 740كەس لە فەللوجە لەلایەن میلیشیاكانەوە بێ سەرو شوێن كراون

17/07/2016 - 09:28 بڵاوکراوەتەوە لە هەواڵ/عێراقی

 نێراوی نەتەوە یەكگرتوەكان لە عێراق ڕایگەیاندوە نزیكەی 740 پیاوگەنجی شاری فەللوجە لەلایەن میلیشیاكانەوە بێ سەرو شوێن كراون و تا ئێستاش شوێنیان نازانرێت.
ئاژانسی ڕۆژنامەوانی فەرەنسا  لەزاری (یان كوبیس) نێراوی نەتەوەیەكگرتوەكان لە عێراق بڵاویكردوەتەوە لەدوای كۆنترۆڵكردنەوەی شاری فەللوجە میلیشیاكان كە هاوشانی سوپای عێراق  بەشداربون لە  كۆنترۆڵكردنەوی شارەكەدا نزیكەی 740كەسی ئەو شارەیان ڕفاندوە"
نێراوی نەتەوەیەكگرتوەكان، ئاماژەی بەوەشداوە" ئەو ڕفێنراوانە  643بریتین لە پیاومنداڵ و گەنج لە گوندی سەقلاویەی نزیك فەللوجە ڕفێنراون و 95 پیاویش لەو كەسانەن كە لەلایەن میلیشیاكانی شیعەوە  گیراون و تا ئێستاش ئازاد نەكراون و  شوێنیشیان نادیارە"
هەربەپێی ڕاپۆرتی نەتەوەیەكگرتوەكان میلیشیاكان هەستاون بە  لێدوان و ئەشكەنجەدان و ڕفاندنی هاوڵاتیانی فەللوجەو ناوچەكانی تری پارێزگای ئەنبار لەدوای ئەوەی ئەو ناوچانە كۆنترۆڵكراونەتەوە.
جێگەی ئاماژەیە لەدوای دووساڵ كۆنترۆڵكردنی شاری فەللوجە لەلایەن چەكدارانی داعشەوە لەكۆتایی مانگی حوزەیرانی ڕابردودا سوپای عێراق و حەشدی شەعبی و هێزە ئەمنیەكانی تر شارەكەیان كۆنترۆڵكردوە كاولكاریەكی گەورەش بەسەر شارەكەدا هات.

أ.س