نەتەوە یەكگرتووەكان راپۆرتێك لەبارەی شەڕی موسڵ بڵاودەكاتەوە

18/07/2016 - 23:17 بڵاوکراوەتەوە لە هەواڵ/عێراقی

 

 

 

نەتەوە یەكگرتووەكان پێشبینی دەكات بۆ شەڕی شاری موسڵ كە بڕیارە دەست پێبكات، ژمارەیەكی زۆری هاوڵاتی خەڵكی شارەكە ئاوارە ببن.
بەپێی راپۆرتێكی تایبەتی نەتەوە یەكگرتووەكان، شەڕی شاری موسڵ كە بڕیارە لەئایندەدا دەست پێبكات، تاكو شارەكە لەژێر چنگی گروپە چەكدارەكانی داعش دەربهێندرێت، پێویستە سەرەتا پارەیەكی بەپەلە تەرخان بكرێت بۆ پرسی ئامادەكاری ئەو پێشهاتە نوێیە.
هەروەها نەتەوە یەكگرتووەكان دەڵێت، داوای بەپەلە لەووڵاتانی كۆمەك بەخش كراوە ئەو پارەیە كۆبكەنەوەو بۆ دواتریش نزیكەی دوو ملیار پێویستە.
ئەمەو بەپێی زانیارییەكانی نێو راپۆرتەكە، لەحاڵی ئێستادا (1.2 – 1.5) ملیۆن هاوڵاتی مەدەنی لەنێو پارێزگای نەینەوا ژیان بەسەر دەبەن، ئەگەر شەڕەكەش دەست پێبكات، ئەوا كارەساتێكی گەورە بەرپا دەبێت و بەسەدان هەزار كەسیش ئاوارە دەبن.
بەپێی بەڵگەنامەیەكی نەتەوە یەكگرتووەكان، لەهەموو حاڵەتەكاندا بەر لە دەستپێكردنی شەڕی موسڵ ئاژانسەكانی فریاگوزاری لەماوەی دوو مانگ و نیودا پێویستیان بە (284) ملیۆن دۆلار هەیە، ئەگەر ئەو پارەیە دواكەوت لەتوانای رێكخراوەكان نییە بەشێوەیەكی گونجاو بەهانای یارمەتیدانی ئاوارەكان بچن.

 

ئـ . كـ