خاڵێكی گومرگی پارێزگای دیالە ساڵانە 400 ملیار دینار داهاتی بووە و حكومەت بێ ئاگابووە لێی

28/07/2016 - 10:24 بڵاوکراوەتەوە لە هەواڵ/عێراقی


دەستەی باڵای حەشدی شەعبی ڕایدەگەیەنێت خالێكی گومرگی لە پارێزگای دیالە چەندین ساڵە ژمارەیەك بەرپرسی ئەمنی و ئیداری پارێزگاكە دەستیان بەسەردا گرتووە و ڕۆژانە 200 ملیۆن دینار داهاتی بووە كە ئێستا بە نزیكەی 400 ملیار دینار داهاتەكەی مەزەندە دەكرێت.


عودەی خدران ئەندامی دەستەی باڵای حەشد ڕایدەگەیەنێت خاڵی گومرگی عوزەیم لە نێوان بەغدا و كەركوك بە درێژایی ماوەی دانانی یەك دینار لە داهاتەكەی نەگەڕاوەتەوە بۆ حكومەت كە داهاتەكەی ڕۆژانە 200 ملیۆن دینار بووە و تێكڕا بە 400 ملیار دینار مەزەندە دەكرێت.


ئەو سەركردەیەی حەشدی شەعبی ئاماژەی بەوەكردووە ئەو خاڵە گومرگیەی عوزێم تا ئەو كاتەی داعش ڕێگای كەركوك – بەغدای كۆنتڕۆڵ كرد، وەك بۆرسە سەیر كراوە و ڕۆژانە 4500 بۆ 6000 ئۆتۆمبێلی بارهەڵگر بەو خاڵەدا تێپەڕ بووە و بە گوێرەی ڕاپۆڕتی خەمڵێنراوی و وەزارەتی پلان دانان تەنها لە ساڵی 2016 دا 385 ملیار دینار بووە.


وتیشی هەندێك جار خاڵە گومرگیەكە مانگانە 200 هەزار دۆلار دراوە بە كرێ بە هەندێك لە فەرمانبەرانی گومرگ.

 

am


logo

Copyright © 2019 KURDIU. All Rights Reserved