گەشتكردن لە سەرۆكی پەرلەمان قەدەغە دەكرێت

02/08/2016 - 12:38 بڵاوکراوەتەوە لە هەواڵ/عێراقی

 

بە هۆی وتەكانی وەزیری بەرگری، سەرۆک وەزیرانی عێراق لە پەیجی تایبەتی خۆی بڵاویكردەوە كە گەشتی دەرەوەی وڵات لە سەرۆك و ژمارەیەك پەرلەمانتار قەدەغە دەکات.


بەپێی بڕیارێكی حەیدەر عەبادی، سەرۆک وەزیرانی عێراق، كە لە پەیجی تایبەتیی خۆی بڵاوكردۆتەوە، هەموو ئەو کەسانەی لەلایەن خالید عوبەیدی، وەزیری بەرگریی عێراقەوە ناویان هاتوە، قەدەغەی هاتوچۆ و گەشتکردن دەیانگرێتەوە و ئەوەشی خستەروو كە قەدەغەكردنەكە بەشێوەیەکی کاتییە و تاوەکو لێکۆڵینەوە لە راستیی تۆمەتەکان تەواو دەبێت.

دوێنێ دووشەممە، خالید عوبەیدی، وەزیری بەرگریی عێراق لە میانی دانیشتنی لێپرسینەوە لێی لە پەرلەمانی عێراق ژمارەیەک گەندەڵیی پەرلەمانتارانی پێشوو و ئێستای ئاشکرا کرد و ناوی هەریەکە لە سەلیم جبووری و پەرلەمانتاران محەمەد کەربولی، حەنان فەتلاوی، عالیە نوسەییف، حەیدەر مولا و چەند سەرکردەیەکی دیکەی عێراقی هێنا و بە گەندەڵیی تۆمەتباری کردن.

بۆ ئەو مەبەستەش حەیدەر عەبادی داوای لە دەستەی نەزاهەی عێراقی کردووە، کە لێکۆڵینەوە لەو ناوانە و ئەو تۆمەتانە بکات، کە لە دانیشتنەکەی پەرلەمان لەلایەن خالید عوبەیدییەوە ئاشکرا کران.

ش.م